رانيا يوسف: نجومية نادية الجندي بفلوسها ووقعت بيني وبين طليقي محمد مختار(فيديو)

قالت الفنانة رانيا يوسف:"احترم في نادية الجندي الإصرار ومكنش حد علي الساحة غيرها هي والزعيم عادل إمام والفنانة نبيلة عبيد، وهما وقتها كانوا نجوم الشباك".

نجومية نادية الجندي

وتابعت خلال لقائها ببرنامج "العرافة" المذاع علي قناة "المحور":"نجومية نادية الجندي صنعتها بفلوسها وإنتاج زوجها المنتج محمد مختار".
 

موهبة نادية الجندي

وأضافت:"نادية الجندي معندهاش موهبة إلي حد ما، ولكن ليها عندي فيلمين بحبهم جدا وهما الباطنية والرغبة، ودول اللى بعتبرهم رصيدها الفني وفيه مجهود فيهم".
 

مشكلة نادية الجندي مع رانيا يوسف

ولفتت:"نادية الجندي كانت بتوقع بيني وبين طليقي المنتج محمد مختار، ومش هقول تفاصيل تانية عن حياتي، مينفعش يبقى فيه خلاف أو مشاكل ويبقى فيه تقويم علي بناتي وعليا، وانا اتجوزت محمد بعد ما انفصل عنها بـ7 سنين بس هي كانت واخدة موقف معايا".
 

رانيا يوسف: أنا مش هاتجوز تاني وأرفض مبدأ الجواز العرفي (فيديو)

رانيا يوسف تكشف حقيقة لجوئها إلى دجال لفك السحر والأعمال (فيديو)

وقالت الفنانة رانيا يوسف، "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".
 

موقف رانيا من الزواج
 

وتابعت خلال لقائها ببرنامج "العرافة" المذاع علي قناة "القاهرة والناس": "أنا مش هاتجوز تاني لإن الجواز عايز عقل وأنا مش طول الوقت هشغل عقلي في كل جوازة".
 

تعرض رانيا يوسف لعملية نصب
 

ولفتت رانيا يوسف:"تعرضت لعملية نصب من زوجي الثاني وطلع عنده 3 بطايق، وعرفت مين اللى حطلي الحشيش في العربية بس معرفتش اثبت وبتاع الجراج كان معاه المفتاح وزوجي الثاني كان معاه مفتاح وأنا معايا المفتاح وأثبت أنه آخد العربية يعملها صيانة وكده، ويكفيني أن الناس كلها كانت عارفة اني بريئة".
 

زوج رانيا يوسف الثاني
 

وأشارت: "لما اتجوزت زوجي الثاني بعد أبو بناتي كان نيتي معاه كويسة جدا وكنت شايفاه ولد كويس جدا بس للأسف اتخدعت فيه، ومفيش جوازة اتجوزتها كان فيها الراجل غني وأنا مش بتاعة فلوس ومش هاتجوز راجل غني مش بحبه، وطليقي المنتج محمد مختار مكنش غني ولا حاجة".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.