حسن شاكوش لـ "فيتو": "مراتي ما تعرفش يعني إيه تريند وسجدت لربنا شكر إنه كرمها بيا"

علق مطرب المهرجانات، حسن شاكوش، على الانتقادات التي طالت مشهد سجود زوجته في حفل زفافهما الذي أقيم مؤخرًا وسط عدد كبير من نجوم الفن.

وقال شاكوش في تصريح خاص لـ “فيتو”: “كل الناس بتقول إنها عملت كدة علشان التريند وعلشان تخطف الأضواء، وإننا مرتبينها.. هي أصلا ماتعرفش يعني إيه تريند وللا سوشيال ميديا، وهي أول حاجة سجدت سجدة شكر لربنا، وتاني حاجة إن هي بتشكر ربنا إنه بعتني ليها”.

وأضاف: “ولما البني آدم بيحس إن ربنا بعت له الشخص الصح بيسجد لله، هي علشان سجدت تبقى سجدت ليا أنا؟! أكيد لأ!!، اللي بيسجد بيسجد لله وبتشكر ربنا إن هو كرمها بحد هي بتحبه”.

وردت ريم طارق زوجة مؤدي المهرجانات حسن شاكوش على الانتقادات التي طالتها بعد سجودها في حفل زفافها، عبر مواقع التواصل الاجتماعي. 

زوجة حسن شاكوش 

وقالت زوجة حسن شاكوش في تصريحات لبرنامج et بالعربي عن سجودها في حفل الزفاف: "كنت واخدة عهد على نفسي إني أسجد بعد الفيرست لوك.. وحسن أحسن واحد في الدنيا في عيوني وعسول وكاريزما إنسان جدع ويستاهل". 

وأثارت صور زوجة المطرب الشعبي ضجة في الشارع المصري، وهي ساجدة على الأرض بفستان الزفاف الأبيض، أثناء التقاط الصور الخاصة بالعرس وذلك فرحا بارتباطها على صاحب أغنية "بنت الجيران".

واعتبر مغردون أن سجودها، وهي ترتدي فستانا مكشوفا من ناحية الكتفين والصدر أمر غير لائق.

رضوى الشربيني تدخل على الخط

فيما تدخلت المذيعة رضوى الشربيني على الخط، ووصفت الحركة بأنها مبالغ بها، وقالت "كنا بنشوف إن لاعيبة الكورة يسجدوا لما يجيبوا جول، لكن واحدة ست تسجد في فرح شكر لربنا قدام الناس والصحفيين، ما شوفناش الكلام دا قبل كده".

وتابعت: "كل واحد حر يعبر عن فرحته بالطريقة اللي تعجبه دي مش مشكلتنا، لكن مشكلتنا في المنظر اللي شايفينه ومش عايزة اللي حصل ده يبقى تريند والعرايس يوم فرحهم يسجدوا قدام الناس كده، لأ لأ أنتِ تسجدي لربنا على جوزك في غرفتك".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.