الكلام على مين.. اعرفوه لو كنتم شاطرين
حبيبى تعالى وسرك فى بير
يا حارس مرمى النادى الكبير
سمسار للاعيبه وصفقاتك كتير
ياغاوي المهالك وبتحارب الزمالك
وفى البرلمان كنت نائب مكير
سبت الحراسة وسبت النيابة
اعتزلت وأصبحت إعلامي خطير
معلق رياضى وبتاع كُلُه
والحظ مرافقه زى ظلُه
ابنه ماشي على خُطاه
وبنته إعلامية بدون ما تقوله
اتفاجأ بيها على الهوا
لأنه بيدعم الشباب كُله
نائب رئيس الاتحاد السابق
لكنه نضيف ومالوش سوابق
نفسه يرجع للاتحاد تاني
بس الظرف ماهواش موافق
