رئيس التحرير
عصام كامل
Advertisements
Advertisements
Advertisements

أول ظهور لنجل عمار الشريعي (فيديو)

مراد عمار الشريعي
مراد عمار الشريعي نجل عمار الشريعي ضيف منى الشاذلي، فيتو

ظهر المهندس مراد الشريعي، نجل الموسيقار الراحل عمار الشريعي، لأول مرة مع الإعلامية منى الشاذلي ببرنامج "معكم" المذاع علي قناة "سي بي سي".
 

تشابه مراد الشريعي ووالده عمار الشريعي

وظهر واضحا وجود تشابه بين مراد الشريعي، ووالده الموسيقار عمار الشريعي، الذي رحل عن عالمنا منذ 10 سنوات، لتعلق منى الشاذلي:"نسخة طبق الأصل من أبوه".
 

ارملة عمار الشريعي

وعلقت ميرفت القفاص أرملة عمار الشريعي:"مراد الشريعي حتة منه ابوه، عمار الصغير، واخد كتير منه".

تعليق نجل عمار الشريعي

وعلق مراد الشريعي:"اكتر مجاملة ممكن حد يقولها ليا شكلي أو صوتي زي عمار الشريعي، ودي احسن حاجة بتفرحني وبستعدني جدا".
 

 

وفي نفس اللقاء، قالت الإذاعية الكبيرة ميرفت القفاص أرملة الموسيقار الراحل عمار الشريعي:"10 سنوات مرت على رحيله ولكن هو بالنسبة لي موجود ماماتش".
 

نجل عمار الشريعي

 

وتابعت:"عمار الشريعي سابلي حتة منه ابننا مراد وهو كان حاسس إنه مش هيكمل معاه فكان بيحاول ينقله كل خبراته قبل ما يتوفى في صورة حدوتة وغنوة من وهو صغير، وينقله كل حاجة هو عاشها".
 

مرض عمار الشريعي وحلم الإنجاب

 

وأضافت:"عمار الشريعي كان عايش بمرض القلب، وابننا مراد اتولد وعمار عنده 50 سنة، هو محسسنيش خالص ان حكاية الإنجاب مهمة، وقعدنا 7 سنين قبل انجاب مراد وحسيت انه مش مهتم ولا بيقول نروح لدكاترة، ولكن لما شفت احساسه بمراد قلت ده هو مبيبينش".
 

قصة حب عمار الشريعي

 

وأكملت:"قبل الزواج كان فيه 3 سنين قصة حب مع عمار الشريعي، واصحابه كانوا بيقولوا ليا هو مش هيتجوز ومتكمليش معاه قصة الحب لكن هو كان جاد ومكنش بيلعب".
 

بداية العلاقة مع عمار الشريعي

ولفتت:"انا كنت عندي برنامج في البرنامج الأوروبي وهو خريج اداب انجليزي، فكان من الطبيعي ادور علي فنانين ومثقفين بيتكلموا لغة انجليزية اعمل معاهم حديث، وفات 3 سنين علي البرنامج مجبتش عمار الشريعي، لحد لما سنة 1988 روحت سجلت معاه فأخدت معايا واحدة صاحبتي ولما عرفنا بعض قاللى لما سلمتي عليا السلام كان فيه حرارة وبعد كده حصل صداقة ما بينا وبعدين انا انجذبت له وبسرعة لقيتني انه هو ده اللى هكمل معاه، وحسيت بصدقه وكان اللى حواليا بيقولولي ده مش جاد وابعدي بس انا صممت وفعلا اتجوزنا".
 

جدير بالذكر أن عمار الشريعي موسيقي مصري يعد من أبرز الموسيقيين المصريين في النصف الثاني من القرن العشرين، تميز عمار بموسيقى تيترات الأفلام والمسلسلات التي علقت بأذهان الناس؛ بالإضافة لتلحينه لعدد من الأغنيات لكبار المطربين المصريين والعرب ووضعه لموسيقى عشرات الأوبريتات والمسرحيات.
 ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية. 

Advertisements
الجريدة الرسمية