سيد عبد الحفيظ عن كلاتنبرج: أساءوا له وهددوه ومش ناقص غير يرجعوه لمراته بضرة

قال الكابتن سيد عبد الحفيظ مدير الكرة بالنادي الأهلي:"المشكلة الأساسية في الحكام المصريين إنه بيتخيل لما يديني كارت أصفر  يبان انه مسيطر، ولما روحت للحكم وليد عبد الرازق كنت خايف علي حمدي فتحي ومتخيلتش انه ينذر محمود متولي اللى لو تلفظ ضد الحكم كنت انا اللى هاعقبه بس هو معملش حاجة".

ميزة مساعدي التحكيم المصري

وأضاف خلال لقائه ببرنامج “بلس 90” الذي يقدمه الإعلامي أمير هشام بقناة “للنهار”:"انا مش عبقري تحكيم لكني متابع جيد للحكام على مستوي العالم، عندنا كمية مساعدين على أعلي مستوى ويتحطوا في تصنيف رقم 1 ومنهم أحمد حسام طه وهو ممتاز رغم انه ألغى لبرونو سافيو هدف صحيح، وفيه سامي هلهل وسمير جمال وأبو الرجال واحمد طلب ".
 

أكبر ميزة في كلاتنبرج

وتابع:"احلى حاجة في كلاتنبرج اللى بيغلط مرة في حاجات واضحة بيستبعده أسبوع أو اسبوعين وده يخلى الحكم يشتغل على نفسه ويصحح أخطاؤه، انما عصام عبد الفتاح كان بيقاوح في غلطات الحكام ويبررلهم اخطائهم الفادحة دون عقاب ويقول فيهم ريان يا فجل".

لقطة الحكم محمود البنا

وأردف:"ألوم علي محمود البنا في بعض الأوقات لإني بحس ساعات إن الأنا بتاعته عليت، بس عجبني في ماتش إنبي لما وائل فرحان حكم الفيديو قاله تعالى في ركلة جزاء على ياسر ابراهيم شافها علطول وقاله ايده ورا ضهره".
 

رأي سيد عبد الحفيظ في استقالة كلاتنبرج

وعن قبول استقالة كلاتنبرج، علق:"التجربة مخدتش فترتها، والراجل لما جاء بيعرض اللى بيحصل في الفار ومفيش أكتر من كده مصداقية، عصام عبد الفتاح أسلوبه مع الأهلي وسيد عبد الحفيظ بالذات غريب جدا وبيعتبرنا اننا عمرنا ما نكون صح وبيعاند في الغلط، بينما كلاتنبيرج بيقول الصح ولو الحكم غلط بيقول انه غلط".

تهديد كلاتنبرج

وأشار:"الزمالك علشان مش بيتفاءلوا بالحكم محمود البنا مش بيحكم ليهم ماتشات، وفين أمين عمر بعد ماتش أسوان؟، كلاتنبرج كان عايز يرفع مستوي التحكيم في مصر بس حاجة صعبة جدا الإساءة له وتهديده وبعدين يقولوا حاجات غلط عنه وهيرجع لمراته بضرة".
 

اتحاد الكرة يعلن قبول استقالة كلاتنبرج والتفاوض مع خبير أجنبي لخلافته

سيد عبدالحفيظ: فيفا يفكر في عمل مصحات بالقرب من الأندية بعد واقعة حشيش الزمالك

واقعة نادي الزمالك المسيئة

وعلق الكابتن سيد عبدالحفيظ مدير الكرة بالنادي الأهلي، في نفس اللقاء، علي اتهام رئيس نادي الزمالك المستشار مرتضى منصور، للاعبي فريقه أحمد فتوح وعبد الله جمعة بتعاطي الحشيش والمنشطات.

موقف فيفا من منشطات وحشيش لاعبي الزمالك

وقال سيد عبدالحفيظ خلال لقائه ببرنامج “بلس 90” الذي يقدمه أمير هشام بقناة “النهار”:"الاتحاد الدولي فيفا  بيفكر يعمل مصحات جنب بعض الأندية وجهاز إنذار  في بعض الاستادات بعد واقعة تعاطي لاعبي الزمالك الحشيش والمنشطات".

تصريح خطير لرئيس الزمالك

وأضاف:"تصريح رئيس نادي الزمالك بشأن تعاطي لاعبيه الحشيش والمنشطات كان خطير جدا لكن رئيس نادي الزمالك مش هيكدب ولا هيتبلى علي لاعب عنده لكن الله أعلم بصحة الأمر".

ونقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.