هاني شنودة: أنا عمري 80 سنة ولو قعدت في البيت أموت (فيديو)
كشف الموسيقار هاني شنودة، السر وراء عدم استمرار تعاونه مع عمرو دياب ومحمد منير، رغم مساهمته في صنع نجوميتهما.
انشغال عمرو دياب ومحمد منير
وقال هاني شنودة خلال لقائه ببرنامج "الستات" الذي تقدمه الاعلامية مفيدة شيحة وسهير جودة، بقناة "النهار":"أنا مشغول وعمرو دياب ومحمد منير كمان مشغولين علشان كده مفيش استمرار في التعاون ما بينا".
زحمة حياة محمد منير وعمرو دياب
وتابع:"فيه زحمة في حياة محمد منير وايضا عمرو دياب، وانا كمان مش واقف عملت مؤخرا قافلة السعادة، وده عمل يمكن علشان ربنا يدخلنا الجنة اذا كان ممكن، العمل بتاعي معايا 4 مطربين وانا بالأورج ونروح دور المسنين والعجزة والمعاقين ونقعد نغني لهم ونخليهم يغنوا معانا".
مشروع هاني شنودة قافلة السعادة
ولفت:"فكرة قافلة السعادة عرضتها علي الدكتورة مؤمنة كامل أستاذة التحاليل بقصر العيني، وبقالنا 4 مرات بنعمل حفلات في دور المسنين والعجزة، الموضوع مش مرهق علي أنا 80 سنة ولو قعدت في البيت أموت".
مواهب مصر الفنية
قال الموسيقار هاني شنودة:"أحمد النقاش صوته حلو قوي ومصر مليانة بالمواهب، وانا بتابع ويجز وحسن شاكوش وكل الأصوات علشان اعرف احنا رايحين فين".
عرض هاني شنودة لـ ويجز
وتابع خلال لقائه ببرنامج "الستات" الذي تقدمه الإعلامية مفيدة شيحة بقناة "النهار":"لسه عرضى قائم برغبتي في التلحين لمغني الراب ويجز، وأرى أن ويجز هو رئيس المصلحة دي فاذا دخلت للرئيس الباقي كله هيعمل نفس الحكاية".
زمن ويجز واختفاء ظاهرة اغاني المهرجانات
وأضاف:"نحن في زمن ويجز، واغاني المهرجانات اختفت في وجود ويجز وأحمد سعد، وانا مكنتش حابب مرحلة المهرجانات بسبب الكلمات مش الألحان ولا الأصوات ولكن الترويج للمخدرات وترديد الألفاظ الخارجة انا ضدها".
سر تجاهل ويجز لهاني شنودة
وأكمل:"احنا في مرحلة الراب وعلشان كده عايز اتعاون مع ويجز والحن له، هو من حقه يتقل عليا لإنه بيعتقد إن القدام مخهم مقفل وهما اللى بوظوا الدنيا وده احساس عام في الجيل الجديد واحساس مقبول".
مناشدة هاني شنودة لـ ويجز
ولفت:"انا رميت الكرة في ملعب ويجز وقلت له هات الكلمات اللى تعجبك علشان اقراها وهو هايل ولو جابلي كلام كويس هنعمل منطق تاني في التلحين يبقى فيه راب يحمل ميلودي رومانسي يحضني واحضنه يبقى فيه تطبيع".
نشاط فني لويجز
يعيش ويجز مطرب الراب، حالة من النشاط الفني، وتسجيل الأغاني طوال الفترة الماضية، عقب عودته من احتفالية كأس العالم بقطر، لكنه من المقرر أن يتعرض لعقوبة كبيرة من جانب نقابة المهن الموسيقية.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
