سمية درويش تفتح النار على شيرين عبد الوهاب: بتغير مني وبتعرض لحرب شرسة بسببها
قالت المطربة سمية درويش:"أرى أن الوسط الغنائي عبارة عن مافيا، لذلك أتعرض لحروب من أسماء كبيرة علشان صوتي بيشبه صوت شيرين عبد الوهاب، وكل واحد خايف وحاسس أن الكرسي مينفعش يبقى فيه منه تاني مع إننا لازم نكون كتير ومينفعش نحتكر ذوق الناس".
وتابعت خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار":"أتخيل ان فيه حد ممكن يأذيني لدرجة إنه يوقعني علشان أنا شبهه".
شبيهة شيرين عبد الوهاب
وأضافت:"انا صوتي مش شبه شيرين عبد الوهاب، وقلت لأحد الملحنين أكبر حاجة تبرأني من التهمة دي إني أغني دويتو مع شيرين عبد الوهاب وده عمره ما هيحصل لإنها مش هتوافق تغني معايا".
وأكملت:"أنا بحب شيرين عبد الوهاب جدا وبسمعها لأن الناس بتطلب مني أغانيها ولكن احب اعمل دويتو مع ناس تانية غير شيرين".
رسائل شيرين عبد الوهاب
وأكدت:"شيرين عبد الوهاب عرفاني كويس بس لو اتسألت هتقول إنها متعرفنيش، ووصلتلي رسايل إني صوتي وحش جدا ومين دي اللى تشبهوني بيها، بس هي علي الهواء هتقول عني واحدة مغمورة مش معروفة".
مشكلة شيرين عبد الوهاب
وتابعت:"كنت بغني في حفلة في مكان وشيرين كانت تاني يوم في نفس المكان والولد اللى بيركن العربية بتاعتي صورها وهي بتقولهم نزلوا صورة البنت دي ياما مش هاجي اغني بكرة، وانا صورتي كانت صغيرة وصورتها هي كبيرة جدا، بس صورتي بتاعت الواتس اب ضايقتها، هي لها الحرية المطلقة تغير وتخاف علي نفسها بس لو بايدك تحب الخير للناس تحبه".
تصدرت النجمة شيرين عبد الوهاب قائمة أفضل مطربة في الاستفتاء الذي أطلقته بوابة "فيتو" لاختيار الأفضل في عام 2022.
شيرين عبد الوهاب
وحصدت شيرين عبد الوهاب على نسبة 35% من الأصوات، تلتها النجمة اللبنانية إليسا بنسبة 31% من أصوات الجمهور حتى الآن.
استفتاء فيتو 2022
وأطلقت بوابة "فيتو" أكبر استطلاع لرأي الجمهور لاختيار الأفضل في عام 2022 في المجالات الفنية والرياضية.
ويتضمن الاستفتاء: أفضل فيلم، ومسلسل، وممثل دور رئيسي، وممثلة دور رئيسي، وممثل دور ثان، وممثلة دور ثان، وممثل صاعد، وممثلة صاعدة، وأفضل مؤلف ومخرج.
وفي المجال الغنائي يمكن للجمهور اختيار أفضل مطرب، ومطربة، ومطرب شعبي، ومطرب راب، ومطرب مهرجانات.
وبالنسبة للمجال التليفزيوني يمكن للجمهور اختيار أفضل برنامج، وإعلامي.
وفي المجال الرياضي، يمكن للجمهور اختيار أفضل ناد، ولاعب، وحارس مرمى، ومدرب، ومدير كرة، ومحترف مصري بالخارج، ولاعب صاعد، وصانع ألعاب، ومهاجم، وكذلك أفضل ظهير أيسر، وظهير أيمن، ومدافع، وجناح أيسر، ولاعب وسط، وجناح أيمن، ومحترف أجنبي بالدوري المصري.
