أميرة نايف: اتجوزت مرتين وخلعت التاني لما حاول يتهجم عليا
كشفت الفنانة أميرة نايف، عن عدد زيجاتها وحقيقة رغبتها في العودة إلى طليقها الأول الذي أنجبت منه، مؤكدة أنها تزوجت مرتين وحاليا منفصلة.
زواج بدون اختيار
وأوضحت خلال لقائها ببرنامج “كلام الناس” المذاع علي قناة “ام بي سي مصر”:"اتجوزت بدون اختياري وهما اللى اعجبوا بيا واختاروني واقنعوني بالموافقة عليهم وكنت وقتها صغيرة في السن".
شرط العودة للزوج الأول
وتابعت:"لما كبرت لقيت ميولي مش متوافقة مع زوجي الأول والدماغ مش واحدة ومش منسجمين علشان كده أخدت قرار الانفصال".
ولفتت:"لو حسيت ان زوجي الأول ابو ولادي عايز يرجعلي علشان خاطري أنا موافقة طالما هو عرف قيمتي وعايز يكمل بقية عمره معايا، وهو لسه له عندي معزة جوايا".
سبب خلع زوجها الثاني
ولفتت:"خلعت زوجي الثاني لأنه حاول يقتلني، بعد الجواز بشهرين ظهرلي على حقيقته وبقى يتعامل معايا بعنف فقلت له مفيش توافق ما بينا وخلينا أصدقاء وننفصل فكان رافض تماما فقعدت معاه سنة متجوزاه وخلال الفترة دي كنت بطلب منه يوميا إننا ننفصل، واستعنت بأهلي وسفارتي الأردنية في دعمي الانفصال عنه".
كواليس خلع أميرة نايف زوجها
وتابعت أميرة نايف:"ذهبت للسفارة وقتها طالبتني بتغيير كالون باب الشقة ورفع قضية خلع وهذا ما قمت به وفي أحد الأيام جاي طليقي يفتح الباب لقى الكالون متغير قعد يخبط علي الباب رفضت افتح له وبعدين كسر الباب وحاول يتهجم عليا وكان الجيران بلغوا الأمن والموضوع انتهى".
