بركات عن مجاملة أبو تريكة لقطر: الناس أكرموه وهو حر في اللي بيقوله (فيديو)
رد الكابتن محمد بركات عضو مجلس إدارة اتحاد الكرة، على اتهامات مجاملة الكابتن محمد أبو تريكة نجم النادي الأهلي ومنتخب مصر السابق، لدولة قطر.
إكرام قطر لأبو تريكة
وقال "بركات" خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "أبو تريكة هو قاعد في بلد بقاله سنين والناس بتعامله أحسن معاملة وضع طبيعي إنه يتكلم عنهم بطريقة كويسة، الناس في قطر أكرمته وبالتالي بيتكلم عنهم كلام بسيط، وإنه يقول فيهم شعر أو ما يقولش هو حر في اللي بيقوله".
موقف بركات من الإقامة في قطر
وتابع: "أنا عن نفسي مش هقيم في قطر أنا مقيم هنا في بلدي مصر وبحب هنا".
أعظم لاعب بالنسبة لمحمد بركات
ولفت: "أعظم لاعب لعبت جنبه كان الكابتن محمد أبو تريكة وفرق معايا وأفدني كتير جدًّا إلى أبعد الحدود وله أفضال عليَّ طبعًا ولكن تواصلي معاه ما بقاش زي الأول، ما اتكلمناش من فترة".
