صبا مبارك: بحب أكل الشارع وتخنت 19 كيلو أثناء تصوير بنات عبدالرحمن
قالت الفنانة الأردنية صبا مبارك: "أنا لو شربت ميه أتخن، وأثناء تصوير فيلم بنات عبد الرحمن، جسمي تخن 19 كيلو بسبب كثرة تناولي للمياه لأننا كنا بنصور فى الصيف، وأكلت كل حاجة ممكن نتخليها، وأنا بحب الأكل جدا".
وأضافت خلال لقائها ببرنامج "صاحبة السعادة"، تقديم الفنانة إسعاد يونس المذاع على فضائية "dmc": "أتناول فى اليوم 5 وجبات، ولو حبيت أخس أتناول وجبة واحدة فى اليوم تشمل الأطعمة اللى فيها كل الفيتامينات، وأنا أكيلة شوارع ما عدا الكبدة بصفة خاصة".
جلسات تصوير الفنانات
ولفتت: "مليش في جلسات تصوير الفنانات والسوشيال ميديا بالنسبة لي حاجة غريبة وبخاف اتصور وارفع صوري على السوشيال ميديا لإنها شغلانة فوق الشغلانة، ولا يمكن أتصور عن عمد علشان أرفع صوري على السوشيال ميديا".
حياة صبا مبارك
وتابعت: "فيه ناس بتعتبر صورها على السوشيال ميديا مهمة علشان الشغل، ولكن أنا مش شايفة ده ضروري، وانا طول الوقت مشغولة جدا.. بقرأ كتير في علم النفس وتحليل الشخصيات والأدب والمسرح وفي الإخراج والإنتاج الفني، وأنا بعيدة عن السياسة علشان بتتعبني، وباكون مع عائلتي".
قصة فيلم بنات عبد الرحمن
"بنات عبد الرحمن" هم أربع أخوات مختلفات تضطرهن الظروف للعودة إلى منزل العائلة بعد سنوات من انعزالهن عن بعض لحل لغز اختفاء والدهن المفاجئ. ولكن رحلة البحث السرية تكشف لهن أسرارًا جديدة، والمزيد من علامات الاستفهام.
والفيلم من تأليف وإخراج زيد أبو حمدان، وبطولة صبا مبارك، فرح بسيسو، حنان الحلو، مريم الباشا، خالد الطريفي، إنتاج Pan East Media (صبا مبارك وآية وحوش)، وشارك في الإنتاج كل من Lagoonie Film Production، وArab Media Network وويكا للإنتاج والتوزيع.
