لبلبة تكشف رسالة عادل إمام لها بعد تكريم مهرجان القاهرة السينمائي

قالت الفنانة لبلبة: "اتعلمت مهما كنت تعبانة إن الجمهور ملهوش ذنب لازم أطلع وأسعده وده اللي اتعلمته وأنا عندي 6 سنين من أمي".

حفلات عبد الحليم حافظ

وأضافت خلال مداخلة هاتفية ببرنامج "يحدث في مصر" الذي يقدمه الإعلامي شريف عامر بقناة "إم بي سي مصر": "لما ابتديت مشواري الفني مكنش فيه تليفزيون وسافرت مع عبد الحليم حافظ وفنانين كتير كل البلاد".
 

عشق الفن

وتابعت: "أنا عاشقة للفن ومفيش حاجة أبعد عن الفن أو أتناساه وبفرح لما أسعد الناس وأشوف فيلم ليَّ بيتعرض، وأفتكر وأنا صغيرة إنهم كانوا عايزين يجوزوني علشان يبعدوني عن الفن بس أنا قلت مفيش حاجة أبدًا ممكن تبعدني عن عشقي".

بعد ندوة المهرجان.. لبلبة رفقة يوسف عثمان على ريد كاربت "السباحتان"|صور

إلهام شاهين: بحترم تاريخ لبلبة.. وبحب من أفلامها ليلة ساخنة|فيديو

رسالة الزعيم عادل إمام

وأكملت: "الزعيم عادل إمام بعتلي رسالة جميلة بيهنيني بالتكريم وبيثني عليَّ، ودائمًا باخد بنصيحته، وهو غالي عليَّ وبعتبر أسرته أسرتي وأولاده ولادي وزوجته اعتبرها أختي، وأنا مليش زوج ولا ابن علشان كدا أسرة عادل إمام عائلتي".

أفلام مهرجان القاهرة السينمائي

وحدد مهرجان القاهرة السينمائي عدد شاشات العرض التي من المقرر أن تستضيف عروض الأفلام المشاركة في الدورة الـ 44 بإجمالي 8 شاشات موزعين كالآتي: 3 قاعات تابعة لدار الأوبرا المصرية "المسرح الكبير - المسرح الصغير - مسرح النافورة"، وقاعتي سينما ومسرح الهناجر بساحة الأوبرا، وقاعتي سينما الزمالك، وقاعة إيوارت بمركز التحرير الثقافي في الجامعة الأمريكية بميدان التحرير.

مهرجان القاهرة السينمائي

ومهرجان القاهرة السينمائي الدولي هو أحد أعرق المهرجانات في العالم العربي وأفريقيا والأكثر انتظاما، ينفرد بكونه المهرجان الوحيد في المنطقة العربية والأفريقية المسجل ضمن الفئة A في الاتحاد الدولي للمنتجين بباريس "FIAPF".