مفيدة شيحة: شيرين عبد الوهاب صدمتنا بعودتها لحسام حبيب.. ومبقناش فاهمين حاجة|فيديو
علقت الإعلامية مفيدة شيحة، علي إعلان الفنانة شيرين عبد الوهاب عودتها للفنان حسام حبيب، وعقد قرانهما أمس الأول.
صدمة الناس من شيرين عبد الوهاب
وقالت مفيدة شيحة خلال برنامج "الستات" المذاع علي قناة "النهار":"كل الناس اتصدموا وبقت شيرين تريند علي فيس بوك، وفيه تساؤلات كتير حول عودتها لحسام حبيب".
تعليق مفيدة شيحة علي عودة شيرين لحسام
وأضافت "مفيدة":"مبقتش فاهمة حاجة، وعلشان كده انا هلتزم الصمت لأني مش فاهمة ايه اللى حصل ده".
وقالت الفنانة شيرين عبد الوهاب: "الخبر السعيد اللي هزفه للناس عندي هو إني تم بمشيئة رب العالمين عقد قراني على حسام حبيب".
عقد قران شيرين على حسام حبيب
وتابعت خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “mbc مصر”: "عايزة أقول للناس ادعوا لي علشان أنا ما أقدرش أعيش من غير دعواتكم، عقدنا القران الساعة 9 بالليل امبارح بحضور أقرب المقربين ليَّ".
اعتذار شيرين لحسام حبيب
وأضاف: “أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين”.
