رئيس التحرير
عصام كامل
Advertisements
Advertisements
Advertisements

أنا مش بتاع رقص واللي يشوفني يصورني.. تامر أمين يرد على دينا بعد وصفه بـ"مصاب بالشيزوفرينيا"

تامر أمين والراقصة
تامر أمين والراقصة دينا

رد الإعلامي تامر أمين، على انتقاد الفنانة والراقصة دينا له واتهامهها له بأنه مصاب بالشيزوفرينيا لأنه يسهر معهم ليلًا ثم ينتقدهم في برنامجه.
 

حملة تشويه صورة تامر أمين

وقال تامر أمين خلال لقائه ببرنامج "حبر سري" الذي تقدمه أسما إبراهيم بقناة "القاهرة والناس": "معنديش مشكلة مع دينا، وتعرضت لحملة تشويه من المدافعين عن الرقص، وقالوا طالما هو بينتقد الرقص نلزقها فيه ونقول أنه سكير وبيسكر وكل يوم في الكباريهات".
 

مناشدة تامر أمين

وأضاف: "اللي يشوفني في الكباريهات سكران وبتطوح يصورني مش كلنا معانا موبايلات فاللي يشوفني قاعد من ملهى ليلي أو كباريه يصورني".

وتابع: "ولما أسهر مع صحابي في أي مكان دي مش حاجة تعيب إنما لما تشوفوني في مشهد مخل أو مكان معيب أو صورة مش كويسة أنا بقول أرجوكم صورني علشان أنا عايز أكتشف أنا بعمل إيه".

سر رفض تامر أمين للراقصات

وأكمل: "لو تواجدت في مكان سهر وكان فيه فقرة رقص مبتفرجش وبداري وشي الناحية التانية، أنا عمري ما طالبت بإلغاء الرقص لكن أنا مبحبهوش لأني مش بحب أي حاجة فيها تعرى ويسيئ للمجتمع، أول لما الرقاصة بقت نجمة مجتمع وبتعمل فقرات في الكافيهات والمطاعم وبقت تطلع تتكلم وتوجه نصايح للناس وواحدة طلعت وبقت مذيعة فهذا أرفضه وبشدة، الراقصات رغم أني رافض مهنتهم يبقوا في أماكنهم ولكن يغزو المجتمع فأنا بقول لأ ودوري في المجتمع أني أحارب ده".

Advertisements
الجريدة الرسمية