رئيس التحرير
عصام كامل
Advertisements
Advertisements
Advertisements

شوبير يكشف عن مفاجأة في أزمة كهربا| فيديو

كهربا لاعب النادي
كهربا لاعب النادي الأهلي

كشف الإعلامي أحمد شوبير، آخر تطورات أزمة غرامة محمود عبد المنعم كهربا لاعب النادي الأهلي، خاصة بعد ارتفاع سعر الدولار.
 

غرامة كهربا

وقال "شوبير" خلال برنامج "ملعب أون تايم" المذاع علي قناة "أون تايم سبورت": "الأهلي قيد كهربا ضمن قائمته المحلية ولكن فيه مشكلة في فلوس غرامته، رغم إعلان الأهلي عن أكبر عقد للرعاية في تاريخ الكرة المصرية بحوالي مليار و500 مليون جنيه".
 

حديث كهربا مع ادارة الأهلي

وتابع: "الأهلي تمسك بكهربا وقام بقيده، ولكن الكلام رايح جاي بين اللاعب وإدارة النادي، يعني الإدارة بتقوله اصبر لما يجيلنا فلوس هنسدد وانت اللى هتسدد من خلال عقده السابق اللى فيه مبلغ كبير يقترب من 10 ملايين جنيه، وعقده الجديد أيضا  فيه عقد جديد، فالنادي هيسلمه مبلغ كويس يدفع من خلال الغرامة".
 

مشكلة غرامة كهربا

ولفت: "كل تأخير علي النادي الأهلي في غرامة كهرباء هناك زيادة 5% تصاعدية، فالنادي لسه مدفعش لحد دلوقتي والدولار سعره غلي، فبدلا انه كان هيدفع 40 مليون دلوقتي المبلغ وصل لأكثر من 50 مليون، فهل الأهلي كل شوية هيدفع ويتأخر؟ هل فلوس الرعاية كلها هتدفع؟ هل كهربا هيرحل في يناير ويساوي اموره مع الزمالك؟ هل فيه نافذة مفتوحة ما بين كهربا ونادي الزمالك للوصول الي اتفاق يتم بموجبه التسديد؟ وعلي فكرة لو وصل كهربا لإتفاق مع الزمالك لتقسيط المبلغ الفيفا لن يرفض أو يعترض، لإن هذا من باب حسن النية".
 

مفاجأة في أزمة غرامة كهربا

وأكد شوبير: "هناك مفاجأة في ملف ازمة كهربا متعلقة بلجوء اللاعب للقضاء المحلي يطعن بالتزوير في العقد بتاعه وان العقد اللى اعتمد القديم وليس الجديد، واذا حكم له فالدنيا كلها ستعاد من أولها رأسا علي عقب، وفي نفس الوقت هو جاهز للتفاوض مع نادي الزمالك بشأن تقسيط الغرامة، ولكن هو زهق وعايز يلعب والموضوع شكله مطول لحد يناير".
 

اعجاب كولر بكهربا

ولفت: "كولر معجب جدا بكهربا وبيعمل له برنامج تدريبي خصيصا له، وبعض محبي كهربا بيقولوا اعتبره انت اشتريته بمليون دولار وادفعهم وهو يدفع اللاعب".
 

Advertisements
الجريدة الرسمية