ممدوح موسى لـ"مصطفى كامل": يجب التصدي لأي كلام ضد هاني شاكر من مطربي المهرجانات

وجه الإعلامي ممدوح موسى رسالة للفنان مصطفي كامل نقيب الموسيقيين الجديد، وذلك من خلال حسابه الشخصي على موقع “فيس بوك”.

وقال ممدوح موسى:"يجب على مصطفى كامل التصدي لأي كلام ضد هاني شاكر من مطربي المهرجانات لأنه عيب".

شعبة الأغاني الشعبية

وفي سياق آخر قال مطرب المهرجانات حسن شاكوش: "وقعنا لنقيب الموسيقيين الفنان مصطفى كامل على قرار انضباطي يتضمن مجموعة من المطالب ومنها الابتعاد عن أي كلمات خارجة، ومبقاش فيه حاجة اسمها مهرجانات.. كلنا هنبقى في شعبة الأغاني الشعبية وأنا بقيت مطرب شعبي، وحمو بيكا هياخد ترخيص أداء صوتي ودي شعبة جديدة".

الأداء الصوتي وحنان مصطفى كامل

وتابع خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الأداء الصوتي للناس اللي مبتعرفش تغني خالص زي حمو بيكا، والمطرب الشعبي زيي، وكلنا بناكل عيش، وحسينا بالحنية داخل النقابة، والفنان مصطفى كامل جمعنا ولمنا، واللي قبله كانوا بيتعاملوا معانا وكأننا مش مصريين".
 

مشكلة هاني شاكر

وأكمل: "الفنان هاني شاكر مكنش بيجمعنا وكان صعب جدًّا اننا نوصله ومفيش فرصة يسمع شكوانا، وكأننا حشرة في المجتمع أو أننا صيع وقاعدين على قهاوي ومش ولاد ناس، وإحنا لما نقعد في البيت هنشتغل إيه وكل واحد فينا ملزوم منه 60 بيت هيأكلهم منين أكيد بقى هيمشي في الحرام بقى".

وتابع: "دمنا نشف أيام الفنان هاني شاكر من كتر ما كنا بنقول عايزين ناكل عيش، والمجلس القديم بهدلنا، ومع الفنان مصطفى كامل بقى لينا ضهر".