رئيس التحرير
عصام كامل
Advertisements
Advertisements
Advertisements

غضب شديد لطرد عامل نظافة من محل كشري.. والنشطاء: محدش من حقه يهين حد

طرد عامل نظافة
طرد عامل نظافة

حالة من الغضب انتابت نشطاء مواقع التواصل الاجتماعي "فيس بوك وتويتر"، بعد انتشار مقطع فيديو لطرد عامل نظافة من داخل أحد محلات الكشري الشهيرة في الدقي بمحافظة الجيزة، والسبب ارتدائه ملابس العمل ومحاولة الجلوس للأكل داخل إحدى صالات المطعم.

طرد عامل نظافة من محل كشري

وآثار مقطع فيديو طرد عامل النظافة من محل الكشري حالة من الاستياء الشديد، والانتقاد الموجه للمحل، من قبل النشطاء، الذين أكدوا أن هذه الواقعة لم تكن الأولى التي يقوم فيها المحل بمنع جلوس أفراد معينة للأكل داخل صالة الطعام في المحل ما دفع محل كشري التحرير فرع الدقي بالجيزة، لإصدار بيان أكد فيه "أنه قام بالتحقيق في الواقعة، وإن ما حدث مجرد سوء تفاهم،  وأن هناك صور أخرى تظهر عامل النظافة وهو يحصل على الطعام".

كما أشار إلى قيام إدارة المطاعم بمعاقبة الموظف المسئول"، مختتمين البيان "لا نعلم ما يحدث، هل هي أخطاء فردية أم هناك من يتربص بنا."

وبرغم البيان الذي أصدرته إدارة المحل، لكن النشطاء واصلوا إظهار غضبهم واستيائهم لما حدث لعامل النظافة من قبل المحل. 

غضب شديد لطرد عامل نظافة

فقالت نهال عبد العزيز "أنا مستاءه ومتضايقهً جدا جدا فوق الوصف، دا مطعمً كشري هو مطعم ستيك هاوس،، الغلبان ياكل إيــــه!!". 
وردت روشا حسن خيرت قائلة: "عمرهم ماعملوا كدا هوا بيقول علشان ببلاش تقولي اجبلك العلبه بره اجيب بفلوسي احسن هوا مدير لازم يتحاسب حتي لو ببلاش ميتعاملش معاه كدا ليه الاهانه بالشكل ده حسبي الله ونعم الوكيل"

 

في حين علقت رنا فخري قائلة: " وحتى لو اغلى مطعم فى الكون.. الراجل قاطع بون وبيشترى بفلوسه.. وحتى لو فى سياسية انهم ياخدوا ببلاش محدش من حقه يهين حد ويطرده عشان وظيفته او لبسه او اين ما كان دى عنصرية غير مقبولة". 

وقالت أم محمد زياد عسران "عامل النظافة احسن من كثير وله كامل التقدير والاحترام ولازم معاقبة كل من يتجرأ على الإساءة للعمال البسطاء كسر الخواطر لايمكن جبرها". 

تمييز عنصري

ورد كيرولس نيرزو فقال: "حصل معايا كده نفس الحوار علشان لبس هدوم الشغل". 
أما مسعد دياب فأظهر غضبه قائلًا: "تاني موقف من محل الكشري.. تمييز عنصري الراجل ده انضف من ناس كتير وبيأكل بالحلال". 
وعلق ديدو رشيد فقال: "حرام تكسروا بخاطره كدا حسبي الله ونعم الوكيل".
وعبر مايكل سعد عن غضبه قائلًا: "مش اول مرة ادارة المحل ده تعمل مشاكل واثارة جدل بين الناس المحل ده طرد عامل نظافة لمجرد انه لابس لبس الشغل رغم انه داخل كمان زي اي حد ودافع ثمن الأكل زي أي حد، بصراحة انا مش عارف هما ازاي فاهمين أن ده أسلوب إدارة، يعني انا لما اشوف كدة هروح للمحل... ده معقول يكون حد بيفكر كدة! لو حضرتك اعتبرت الراجل ده عار علي محلك فاعتبرني أنا كمان عامل نظافة وعشان كدة انا هقاطع المكان ده وهقاطع اي حد يدخله كمان". 

 

وأضافت أمل محمد: "حسبى الله ونعم الوكيل الا كسر الخاطر وتحسبونه هين وهوه عند الله عظيم".
وقال حازم ديزر "عامل بسيط... فعلا عامل نظافة محترم شقيان دخل محل كشري يشتري بفلوسه ونحط تحت فلوسه خط كده، مدير الفرع قاله اطلع بره وهنجيلهولك ده كله عشان لابس بدلة شرفه ومهنته طيب أحلى مقاطعه للمحل... محدش يفتري على غلبان وأقسم بالله المحل ده هيتقفل بذنب كسر خاطر الغلبان ده...". 

مش أول مرة

وعلق باسم علي قائلًا: "عامل النظافة... المفروض نقوله شكرا عيب اللي صار المفروض مقاطعة المحل لغاية ما يجيبه ويعتذر له أمام الناس مثل ما اهانه أمامهم". 
أما فني صحي فعبر عن غضبه فقال: "مواطن يعمل بمهنة بسيطة (عامل نظافة) أثناء عمله أحس بالجوع فكر فى أكلة سريعة  تسد جوعه لحين إنتهاء وقت عمله  فدخل مطعم الكشرى ورغم إنه قام بدفع ثمن علبة الكشرى لكن قام عمال المطعم بطرده بسبب ملابسه... لا حول ولا قوة إلا بالله"
ورد جمال رأفت قائلًا: " في بلاد الغرب واظفتين تنحني لهم الدوله المدرسه وده علشان بتخرج الدكتور والمهندس والعالم، وعمل النظافه علشان هو اكثر واحد بيحفظ على نظافة البلد..."

يذكر أن أحد أفرع سلسلة مطاعم كشري التحرير كانت له واقعة مشابهة في شهر رمضان الماضي، وتمثلت الواقعة في شكوى لسيدة تدعى سيلفيا بطرس كتبتها على موقع التواصل "فيس بوك"، أكدت فيها أن إدارة الفرع منعت طفلتها من تناول الكشري داخل صالة الطعام، عندما أرادت أن تأكل قبل أذان المغرب.
 

Advertisements
الجريدة الرسمية