كامل الوزير: لو توقفت المشروعات القومية إحنا ممكن نجوع|فيديو
قال المهندس كامل الوزير وزير النقل:"لو توقفنا في تنفيذ المشروعات القومية احنا ممكن نجوع، والعمال هتاكل منين لو توقفت تلك المشروعات اللي بنفذها".
قطار التنمية
وتابع خلال مداخلة هاتفية ببرنامج "اَخر النهار" المذاع علي قناة "النهار":"مستمرين في تنفيذ المشروعات القومية بشكل سريع علشان احنا بلدنا مش حمل انها تتوقف، قطار التنمية منطلق ولو توقف هنجوع".
مشروع القطار السريع
وأضاف:"مشروع القطار السريع يعمل علي تنفيذه حوالي 50 شركة كبيرة ومنها سيمنز والمقاولون العرب وأوراسكوم، وهناك 100 شركة تعمل في الحفر، وهذه الشركات تشغل لا تقل عن 10 آلاف مهندس وعامل وفني، أي 10 اَلاف اسرة بيوتها مفتوحة بفضل المشروع، ازاي بقى نقدر نوقف المشروع؟".
ثمار المشروعات القومية
وتابع:"كل مشروع بنفذه بيكون بنصف تكلفة العام المقبل، وكل لما مشروع بيدخل الخدمة نجني ثماره بيشغل ناس ويفتح بيوت ناس ويسهل علي ناس".
افضل مشروع نقل عالمي
وأشار:"محطة عدلي منصور التبادلية حصلت علي افضل مشروع نقل في العالم لسنة 2022، ونتوقع أن تحصل محطة بشتيل علي افضل مشروع نقل لعام 2023، ومحطة العاصمة المركزية الخاصة بالقطار السريع ستحصل ايضا علي افضل مشروع نقل عالميا".
