تحمل إشارة خارجة.. تعليق وكيل نقابة الموسيقيين على أغنية "انتش واجرى"|فيديو
علق المايسترو محمد أبو اليزيد، وكيل أول نقابة المهن الموسيقية، علي أغنية فريق واما الجديدة "انتش وأجري" التي أشعلت مواقع التواصل الإجتماعي.
أغان غريبة
وقال "أبو اليزيد" خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم":"كل يوم نصحى من النوم نلاقى أغاني وحاجات غريبة جدًا منتشرة علي السوشيال ميديا اَخرها اغنية انتش وأجري".
عمل كوميدي من فرقة واما
وأضاف:"هي نقابة الموسيقيين تعمل ايه مع الأنواع دي من الأغاني، يعني فرقة واما كلهم متعلمين وخريجي معهد الموسيقي، ومش عارف هل واخدين الموضوع تريقة او سخرية أو حاجة كوميدي لشئ عجبهم، ومش عارف ايه اللى عاملينه ده".
رد رسمي من فريق واما
وأكمل:"انا منتظر رد رسمي من فرقة واما يفسروا فيه عن المقصود من اغنية انتش واجري، احنا مشغولين بانتخابات الموسيقيين بعد بكرة ومش عارفين نعمل ايه مع الأغنية دي".
اشارة اغنية انتش واجري
ولفت:"فيه اشارة بيعملوها مش مظبوطة في اغنية انتش وأجري، وانا مستغرب ان الحاجة تطلع من فرقة واما، واحنا نتمنى لا يكون فيه اشارة أو لفظ يسئ لأي بيت مصري".
