نادية الجندي: أنا اللي قدمت أحمد زكي للجمهور ومكانش يقدر ينافسني في دور العرض | فيديو
قالت الفنانة نادية الجندي: "رفضت عروضًا فنية كتير الفترة الأخيرة، وأتمنى المشاركة في عمل فني قريبًا".
موهبة أحمد زكي
وأضافت خلال الجزء الثاني من لقائها ببرنامج "حبر سري" الذي تقدمه أسما إبراهيم بقناة "القاهرة والناس": "أنا اللى قدمت أحمد زكي للجمهور، وموهبته واجتهاده ساهمَا في نجاحاته الكبيرة".
قوة نادية الجندي وعادل إمام
وتابعت: "أحمد زكي كان ذكي جدا واتقالي أنه مكنش بينزل بفيله دور العرض لو أنا وعادل إمام نازلين"، مردفة: "لما كنا بننزل أنا وعادل إمام كانت كل دور العرض بتبقى محجوزة لينا فمكنش بيبقى فيه فرصة لأي نجم تالت ينزل معانا، ومنقدرش نخبي ضوء الشمس والإيرادات هي اللي كانت بتتكلم، وفي السينما منقدرش نخدع الناس زي الدراما لأن الإيرادات هي اللي بتتكلم واستمرار الفيلم في دور العرض لأطول فترة".
