رئيس التحرير
عصام كامل
Advertisements
Advertisements
Advertisements
Advertisements

نادية الجندي تدافع عن ياسمين عبد العزيز وتلمح إلى فنان يتعمد تشويه صورتها | فيديو

نادية الجندي وياسمين
نادية الجندي وياسمين عبد العزيز
Advertisements

قالت الفنانة نادية الجندي: "علاقتي بالسندريلا سعاد حسني كانت كويسة، واشتغلت معاها فيلم "صغيرة على الحب" في بدايتي، وبعدين مسلسل تاريخي "فارس بني حمدان"، وكنا جيران".
 

جماهيرية سعاد حسني

وأضافت خلال الجزء الثاني من برنامج "حبر سري" الذي تقدمه أسما إبراهيم بقناة "القاهرة والناس": "أنا كنت لسه مبتدئة وسعاد حسني نجمة كبيرة وبطلة لها جماهيرية".

الحروب ضد ياسمين عبد العزيز

ولفتت: "أنا بحب الفنانة ياسمين عبد العزيز وبصراحة هي تجنن، وتعرضت لحروب غير طبيعية واللي بيحصل ده مينفعش، مينفعش فنان يعمل في زمايله كده زي اللي اتعمل ضد ياسمين عبد العزيز".
 

أزمة ياسمين عبد العزيز

وتابعت: "الفنان لازم يبقى رقيق وعلى خلق مينفعش يشن حروب ضد زميل له، وكنت بشوف عماد حمدي مع فاتن حمامة وعمر الشريف ومديحة يسري وكمال الشناوي وأنا لسه داخلة التمثيل كنت أشوفهم بيحبوا بعض ويسألوا على بعض في الأعياد ويزوروا بعض في حالة أي وعكة صحية، ولو عرفوا أن الدور كان معروض على فنان تاني كان يتصل بزميله يعرف منه سبب رفضه أو اعتذاره ويستأذن منه قبل ما يعمل الدور".

الفنان القدوة

وأكملت: "الفنان ده لازم يبقى قدوة ومينفعش يشوه صورة زميله ويسلط عليه جيوش إلكترونية ويكتب عليه كلام كدب ويحاربه لمجرد أنه ناجح".

Advertisements
Advertisements
الجريدة الرسمية