الكلام على مين.. إعرفوه لو كنتم شاطرين

أحسن لاعب فى قارة آسيا

مع إنه مصرى ومركبته راسية

وأحسن مدرب فى افريقيا

والناس لبطولاته مش ناسية
 

زملكاوى كبير ونجم ومعلم

ودايما بيخلى الشبكة تتكلم

مهاجم الزمالك المراوغ الهداف

واللى على كل الفرق بيعلم
 

أخد بطولة أفريقيا 3 مرات

وغلب إيطاليا فى كأس القارات

أبو كريم اللى علم عالبرازيل

وخلى الجماهير تقول الآهات
 

المقاولون كان موقفه حساس

درجة تانية وبيلعب فى الكاس

وصل للنهائى وفاز عالأهلى

وعلى إيد المعلم فاز بالكاس

ولأول مرة فى تاريخ مصر

نادى درجة تانية يحصل عالكاس

والبركة فى المدرب العالمى

صاحب الخبرة المهارى الحساس