محمود عزب: انتقدت محمد منير في طريقة غنائه ورده كان غريبا | فيديو
قال الكوميديان محمود عزب الشهير بـ"عزب شو": "لو كان عليا عايز اشتغل دلوقتي بس مش بمزاجي، وفيه مسئولين بيقولوا اني بقدم نقد بناء في الفن اللى بقدمه وهنجيبك ومحدش بيجيبني".
انتقاد محمد منير
وأضاف خلال لقائه ببرنامج "الستات" الذي تقدمه الإعلامي مفيدة شيحة بقناة "النهار":"انتقدت الكينج محمد منير من خلال فن السخرية علشان يظبط نفسه وهو بيغني، ووقتها زعل مني وقاللى كفاية يا أخي يعني اتحجب واسيب الشغلانة علشان خاطرك".
ملحوظة عند غناء محمد منير
وتابع:"محمد منير أنا اعرفه كويس وبعرف اقلده بشكل كبير، ولما بيجي يغني يبتدي كتفه يطلع، وانا بشرب ملامح الشخصية وروحها قبل لما أقلدها".
وقال الكوميديان محمود عزب في نفس اللقاء: "اعتدت على الاختفاء قليلًا بأن يكون هناك فترة راحة بعد أي عمل أقوم به للتريث والتفكير".
البحث عن مواهب مدفونة بحي الأسمرات
وأضاف: "انبهرت من الحالة اللي عايشنها الناس في حي الأسمرات، مساكن حلوة وقعدت في المنطقة سنتين بدور علي مواهب مدفونة في الحي وده كان سبب اختفائي الفترة الماضية".
اكتشاف مواهب جديدة
ولفت:"في حي الأسمرات اكتشفت موهوبين كثر في حي الأسمرات واحسن رسام في مصر بدون مبالغة طالب في 2 ثانوي ويمسك الفرشة ويبدع في رسم روح أحمد زويل بشكل أعمق من صورته".
وتابع: “الموهوبين الذين اكتشفتهم في حي الأسمرات قمت برعايتهم وتدريبهم وتطوروا بشكل كبير”.
