رضا عبد العال: الجوهري مكنش بيحب اللعيبة الحريفة.. وكان بيخاف من شوبير وربيع ياسين
قال الكابتن رضا عبد العال، نجم الأهلي والزمالك السابق: "صورتي مع الكابتن محمود الخطيب شرف كبير ليا، وأرى أنه أحسن لاعب شوفته في حياتي وأعظم مَن لمس الكرة في مصر".
مشكلتي مع الخطيب
وأضاف خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "رغم حبي للكابتن الخطيب مش عارف ليه رافعين عليا قضايا وعايزين يمنعوني من الظهور الإعلامي كل ده علشان انتقدت موسيماني".
صفقة إثارة الجدل
وتابع: "رمضان صبحي أكثر صفقة عملت إثارة جدل في الكرة المصرية بعد صفقة انتقالي من الزمالك للأهلي".
مشكلة الجوهري
وأشار:"كابتن الجوهري كان بيقولي كلام والفعل مفيش، ومكنش بيحبني كان بياخدني علشان مياخدش حمادة عبد اللطيف، وكان بيحب حسام وإبراهيم حسن أكتر حد في المنتخب، وكان بيخاف من شوبير وربيع ياسين إعلاميًّا".
وتابع: "الكابتن الجوهري قبل ماتش زيمبابوي أبلغني أني هشارك، ولقيته بيستبعدني وعلشان كده مكنش منصف، ومكنش بيحب اللعيبة المهارية".
