زيزو: فيريرا لما جه اكتشف إننا مبنعرفش نباصي ولا نستلم وعلمنا الكورة من أول وجديد
قال أحمد سيد زيزو لاعب نادي الزمالك:" فيريرا لما جالنا الزمالك اكتشف إننا مبنعرفش نباصي ولا نستلم، وقعد شهر يقولنا الوقفة بتاعت الجسم غلط، علمنا الباص والتسليم، وعلمنا الكورة من أول وجديد وأزاي نقف في الملعب وازاي نتحرك، ونما الحاجات اللى عندنا".
نجاح فيريرا
وأضاف خلال لقائه ببرنامج “الحكاية” الذي يقدمه الإعلامي عمرو أديب بقناة “ام بي سي مصر”:" فيريرا نجح في تصعيد عدد من اللاعبين الصاعدين، وقدر يخلى النادي يستثمر في أولاده بدل من شراء لاعبين بمبالغ باهظة خاصة وأن مفيش فوارق بين اللاعبين في الدوري المصري".
ميزة وقوة فيريرا
وتابع:"فيريرا معلم وفعلا بابا الشغلانة وجد كل المدربين زي كارتيرون، وعنده من الخبرات اللى يخليه يقدر يدير اي لاعيبة، وهو معندهوش طريقة واحدة للعصبية، وبيعرف يتعامل مع كل الشخصيات علشان ياخد من كل لاعب أحسن ما عنده".
نقطة تحول الزمالك للفوز بالدوري
واختتم:"نقطة تحول الزمالك السنة دي أن فيريرا ومجلس مرتضى منصور زرعوا في اللاعيبة انه يصدق نفسه ونفوز ببطولة الدوري، وصدقنا اننا نقدر نعمل حاجة الموسم ده بعد لما الموسم كان خلص إكلينيكا".
