هل بطولات الأهلي علشان مفيش فار؟ زيزو يجيب
قال أحمد سيد زيزو لاعب نادي الزمالك:"الفار بيعطي علي الأقل 90% من العدالة واحنا بقالنا سنتين بنلعب بفار وعلشان كده اخدنا الدوري مرتين وراء بعض، ومنقدرش نوعد الجمهور ببطولة الدوري اللى جاية ولكن نوعد الجمهور اننا مش هنقصر ولا هنبخل بأي نقطة عرق".
المنافسة علي بطولة الدوري
ولفت خلال لقائه ببرنامج “الحكاية”الذي يقدمه الإعلامي عمرو أديب بقناة “ام بي سي مصر”:"السنة الجاية هنحارب علي بطولة الدوري، وممكن ياخدها الأهلي أو بيراميدز بس احنا مش هنبخل بنقطة عرق من أجل الفوز البطولة، ومش صحيح أن لو الدوري كورة بس ان الزمالك ياخدها على طول، أكيد فيه منافسين وأحنا بنعمل اللي علينا والقدر والنصيب".
بطولات النادي الأهلي
وتابع:"مقدرش اقول إن الأهلي كان بياخد الدوري علشان مفيش فار وربنا بيعطي للى بيتعب وده اللى خلانا نفوز بالدوري السنة دي".
