زيزو: مرينا بظروف في الزمالك ما حدش يستحملها.. وهذا سر الفوز بالدوري
قال أحمد سيد زيزو لاعب نادي الزمالك: "سعيد للفوز بالدوري لأني في الأساس مشجع لكيان الزمالك".
ظروف نادي الزمالك
وأضاف خلال لقائه ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "مرينا بظروف ما يستحملهاش أي نادي في العالم ولا أي لاعبين في العالم ولكن علشان لعيبة الزمالك رجالة قدرنا نتجاوز الضغوط، وكل شهرين كان بيتغير مجلس إدارة جديد وما كناش عارفين نتكلم مع مين؟ بس اللعيبة علشان بتحب نادي الزمالك اتحملت وجت على نفسها وقدرنا نتخطى الظروف وناخد الدوري مرتين، وعلشان الدوري كورة بس زي ما قال شيكابالا حصلنا علي بطولة الدوري للمرة التانية علي التوالي".
سر فوز الزمالك بالدوري
وتابع: "مع عودة مرتضى منصور وأمير مرتضى ورجوع فيريرا بقى فيه استقرار ذهني للاعيبة وقدرنا نحسم بطولة الدوري، والبطولة السنة دي كانت اهم من السنة اللي فاتت وكان تاريخ بيتكتب لي ويتكتب لجيلنا إننا نحصد بطولتين وراء بعض".
