احذروا من كارثة.. النشطاء يرصدون حفرة كبيرة في طريق التجمع الخامس | فيديو
تداول نشطاء مواقع التواصل الاجتماعي "فيس بوك وتويتر" مقطع فيديو لما وصفوه بـ"كارثة في الطريق"، ويظهر الفيديو فتحة في الطريق في التجمع الخامس، والتي يمكن أن تسبب كارثة في الطريق، ووقوع الحوادث إذا لم يلحظها قائدى السيارات التي تعبر الطريق.
كارثة في التجمع الخامس
ويظهر الفيديو الذي بثه أحد قاطني منطقة التجمع الخامس ويدعى سعيد محمد، الذي قال "منذ أن تخرج من point 90y من التجمع الخامس وتدخل يمين وفي وسط الطريق نجد حفرة "بالوعة"، مؤكدًا أن السيارة إذا دخلت في هذه الحفرة فقد تؤدي لحدوث كارثة، وخاصة أنه لا توجد لافتة تحذيرية للقادمين تحذر من وجود هذه الحفرة.
وحذر الفيديو من كارثة يمكن أن تحدث إذا لم يتم أخذ الحيطة والحذر من هذه الفتحة، التي تقع في وسط الطريق المؤدي إلى التجمع الخامس.
خوف وقلق
تفاعل نشطاء مواقع التواصل الاجتماعي مع الفيديو، معبرين عن مخاوفهم وقلقهم من وقوع حوادث في الطريق، فقال هود أحمد "كان محطوط لها حاجز احمر كدا انا لسه معديه من عليها امبارح"
أما رويدا ناري فقالت "طب حط القمع الاورانج عشان الناس تشوفها".
وقال: عمرو الزاهد "غيرت فردة كاوتش كان بقالها اسبوع بـ ٢١٠٠ جنيه غير المساعد والبطاحة بـ ٤٠٠٠ جنيه".
وأضاف ممدوح بخيت "انا خبطت هديت عشان المطب الى بعدها لاقيت واحده خبطتنى من ورا بهدلتى العربيه نزلت قالتلى معلش".
وتابعت دعاء صالح محمد: "طيب حضرتك تكسب ثواب بلغ الشرطه او اى ضابط مرور قريب يتصرف. وربنا يستر".
وقالت أميرة زغلول:" ده كل شوارع التجمع مليانه حفر وبلاعات كده حرام حرام حرام ارواح الناس مالهاش تمن والناس معندهاش ضمير حسبنا الله ونعم الوكيل منهم لله".
حادثة الرحاب
وقالت سوسي عصام: " اكيد العربية هتتقلب لو علي سرعة بجد منتهي الاستهتار والاستفزاز وكل الطريق كده مليان بلاوي جراء التعديلات...".
وأضافت أمير بشرى: "الله يرحم شهدائنا من الشباب الذين ماتوا فى القاهرة الجديدة نتيجة مطب بلاعه ونفس السيناريو يتكرر الان... اللا ضمير ذات نفسه".
وقالت علياء رشيد:"مستنين لما تحصل مصيبة زي الحادثة بتاعة كبري الرحاب اللي حصلت يوم الوقفه بتاعة العيد الصغير 8 شباب زي الفل أهليهم دفعين دم قلبهم عليهم وفي ثانية راحو بسبب بلاعة مفيش غير واحد بس اللي نجي من الحادثة بعد مكان في غيبوبة أكتر من شهرين وربنا هوا اللي يعلم بيه دلوقتي بعد مافاق وعرف أن كل اللي كانو معاه واصدقائه كلهم ماتوا بسبب البلاعه بردو".
