مرتضى منصور لـ إمام عاشور: عايز أعرف بتودي الفلوس فين | فيديو
قال المستشار مرتضى منصور، رئيس نادي الزمالك: "أشكر البروفسير فيريرا على ما يحققه من نتائج قوية في الدوري واقترب البطولة من نادي الزمالك".
قوة فيريرا
وأضاف خلال جلسته مع الجهاز الفني واللاعبين بنادي الزمالك: "فيريرا حوَّل الدوري للزمالك بعدما كان الفارق مع الأهلي يصل إلى 8 نقاط".
نصيحة مرتضى منصور
وتابع: "أشكر اللاعبين الأبطال الرجالة، والحمد لله إحنا وصلنا والقطار بيهدي دلوقتي وداخل على محطة سيدي جابر، وأفتكر أني قلت للاعبين متبصش للأهلي ولا بيراميدز.. بص لنفسك واكسب مبارياتك".
مباراة الاتحاد السكندري
ولفت: "الدوري مخلصش، وعندنا ماتش هام يوم الثلاثاء مع الاتحاد السكندري، والجماهير طايرة بيكم فأسعدوا الجماهير وننزل ماتش الاتحاد نكون عارفين أننا بنقابل فريقا قويا كسب البنك الأهلي 3/0".
رسالة مرتضى منصور لإمام عاشور
ووجَّه مرتضى منصور رسالة لإمام عاشور، قائلًا: "متَّع نفسك واحلم يا إمام، بس أنا خايف من الأحلام.. ده كل ما أديك فلوس مش عارف بتوديها فين بصراحة؟ أنا هقولك بيني وبينك انت بتودي الفلوس فين.. مش قدام الكاميرات".
زيادة أعداد الجماهير
وأشار: "بنحاول نزود عدد الجماهير في مباراة الاتحاد السكندري".
