بعد توقيعه على طلب الطعن.. حديث ناري لمحمد عادل عن نيرة أشرف أمام المحكمة

وقع المتهم محمد عادل الصادر في حقه حكم الإعدام بتهمة قتل زميلته نيرة أشرف طالبة جامعة المنصورة، على مذكرة تفيد بأنه تقدم بطلب رسمي عن طريق هيئة الدفاع عنه برقم 447 لسنة 2022، للطعن على الحكم الصادر ضده بالإعدام شنقا عن التهمة التي ارتكبها.

وخلال جلسات المحاكمة السابقة أخرجت محكمة جنايات المنصورة المتهم محمد عادل من قفص الاتهام وأوقفته ووجهت له عدة أسئلة بشأن المجني عليها نيرة اشرف وهي: 
وسألت المحكمة المتهم: 
س: ماذا حدث؟
فقال المتهم في جوابه أمام المحكمة:
المجني عليها كانت واخداني مرحلة فى حياتها وارتبطت بها وكانت بتشتكيلي من أهلها وكان بينا مكالمات ومتسجلة، وأرسلت صورها وتسجيلات صوتية إلى أقاربها فقالوا لي إني بشهر بنجلتهم، فقلت لهم إن كل هذه الصور والتسجيلات حصلت عليها بإرادتها، المجني عليها اشتكيت لي من أهلها وانا قولتلها متحمليش هم انا هتكفل بكل حاجة وطلبت مني أن أقيم معها في الشقة، وراحت عملتلي مشكلة في الجامعة والأمن جه وخد البطاقة والأمن مكنش مصدقها والناس عرفاني هناك إني مليش في الحاجات اللي بتقول عليها دي وخد بطاقتها وبطاقتي وكانت عمالة تقول معرفوش واحد بيطاردني واتقدملي وأهلي رفضوه و اتهجم عليا واتعرضلي في كل حتة ومعرفوش ومليش علاقة بيه.

وأضاف المتهم خلال حديثه عن نيرة اشرف إنه كان في مشروع خطوبة بينهما.

وأضاف قائلا: "كنا أنا وهي متفقين على خطوبة  وكانت بتقول إن أهلها عارفين إني معاها وكل ده متسجل بيني وبينها  على الواتس، حتي أوقات كثير كانت بتقولي تعالي اقعد عندنا في البيت وأهلي عارفين وأنا اللي كنت برفض لأننا كنا لسه في بداية الارتباط

ووجهت المحكمة الي المتهم سؤالا مفاده: ما مفهوم الحب عندك ؟
فلم يفهم المتهم السؤال في البداية فسرده القاضي عليه بالعامية قائلا له " الحب ازاي يا اخدها يا اقتلها"
فرد المتهم: لا طبعا مفيش الكلام ده اللي   يزعل تبقي كويس مع حد والحد ده يستغلك ويقل بيك ويضحك عليك".

ثم سالته المحكمة: بماذا تريد ان تختم كلامك؟

فقال المتهم اللي عايز أقوله في الختام: "مفيش حاجة هتبرر اللي أنا عملته كل واحد بيعدي عليه فترة في حياته غصب عنه.. الحق أهلها المفروض يتسئلوا عن الموضوع".

وكانت محكمة جنايات المنصورة، برئاسة المستشار بهاء الدين المري، قضت باعدام محمد عادل المتهم بقتل نيرة أشرف عمدا مع سبق الاصرار أمام جامعة المنصورة يوم 20 يونيو