ريهام سعيد لـ حورية فرغلي: حصل لنا مشاكل بسبب السحر.. والفنانة: "اتلعنت" |فيديو
وجَّهت الإعلامية ريهام سعيد رسالةً للفنانة حورية فرغلي، قائلة: "حصل لنا مشاكل زي بعض بسبب السحر".
حلقة العفاريت والجن
وقالت ريهام سعيد خلال مداخلة هاتفية ببرنامج "الترابيزة" المذاع على قناة "الشمس": "بعد حلقة البنات والعفاريت والجن حياتي مرجعتش طبيعية زي الأول، وكل حاجة كانت بتحصل لحورية فرغلي كنت بحس نفسي فيها".
مشكلة حورية فرغلي وريهام سعيد
وأضافت للبرنامج الذي تقدمه الإعلامية نجلاء بدر: "مشكلة المناخير والوش والتعب اللى عاشتها حورية فرغلي أنا عشتها، علشان كده كنت حاسة بيها أكتر من أي حد".
صفات حورية فرغلي
وأشارت: "حورية فرغلي من الناس الطيبة جدًّا وكريمة ومحبة للآخر ومش بتغير من حد، وبقول لها معلش ولازم كلنا نطبطب عليها ونقف جنبها، وبقول لها إنتي قوية جدًّا، ومش محتاجة غير نفسك، وكل واحد بيقف لنفسي وربنا أحسن من كل الناس".
رسالة حورية فرغلي لريهام سعيد
من جانبها علقت حورية فرغلي: "ريهام سعيد من الناس اللي ممتنة ليهم بجد لوقوفها بجانبي، ودعمها ليا في ظروفي، وأنا بقول لها تعالي نعمل مسلسل ساحرة الجنوب اللي اتأذيت بعده بشكل جديد".
لعنة الجن وساحرة الجنوب
ولفتت: "حاولت أكلم ريهام سعيد كتير جدًّا لما حصل لها مشاكل، وكان نفسي أقول لها إن إنتي بعد حلقة الجن حياتك اتدمرت، وأنا بعد مسلسل ساحرة الجنوب اتلعنت، وإحنا أكيد عملنا حاجة أو اتكلمنا في حاجة أو مشينا على طلاسم، وإحنا مش عارفين وده اللي أذانا".
