رضا حامد: خايف أهاجم تامر حسني ما يجبنيش أشتغل معاه تاني | فيديو
قال الفنان رضا حامد: "تامر حسني شخصية جميلة بس بقاله فترة ما بيجبنيش معاه في أفلامه مش عارف ليه".
تخوف رضا حامد من تامر حسني
وأضاف خلال لقائه ببرنامج "كلام الناس" المذاع على قناة "إم بي سي مصر": "مش هحاول أهاجم تامر حسني علشان جايز هو يفكر فيَّ لأن لو هاجمته مش هيفكر يشغلني معاه".
رسالة رضا حامد لتامر حسني
وتابع: "تامر حسني بيشتغل وما بيجبنيش وهو عارف إن ليَّ في التمثيل ودمي خفيف فنفسي يفكر فيَّ ويجيبني معاه".
وبكى الفنان رضا حامد، على الهواء، أثناء دعائه للزعيم عادل إمام، قائلًا: "اشتغلت معاه ٩ سنين وناس نقلت له كلام غلط عني فاستبعدني من مسرحية بودي جارد".
مسرحية بودي جارد
ولفت خلال نفس اللقاء: "حصل خلاف بيني وبين فرقة عادل إمام في مسرحية "بودي جارد" فتم استبعادي من النسخة اللي اتصورت برغم أني اشتغلت معاهم 9 سنين في العرض".
الدعاء لعادل إمام
وتابع: "عادل إمام تاريخ كبير جدًّا وربنا يعفو عنه إذا كان فيه ظروف صحية مش كويسة واشتغلت معاه 9 سنين وفي أحد المواقف على المسرح قال لي يا واد يا رضا أنت ممثل جامد أوي".
الاختلاف مع عادل إمام
وأضاف: "مهما حصل من اختلاف مع عادل إمام ولو ناس نقلت له كلام غلط عني ما نقدرش نجيب سيرته إلا بكل خير واحنا اتعلمنا الكوميديا والتمثيل منه".
