رئيس التحرير
عصام كامل
Advertisements
Advertisements
Advertisements
Advertisements

أمير طعيمة لمنتقدي الحجاب: اعتبروه حرية زي الإلحاد

أمير طعيمة
أمير طعيمة
Advertisements

انتقد الشاعر الغنائي الشهير أمير طعيمة محاولات بعض الكُتاب والإعلاميين  نفي فرض الحجاب من وجهة نظر ديني.

إذ علق أمير طعيمة على هذه المحاولات وكتب عبر حسابه الشخصي بموقع التواصل الاجتماعي فيس بوك: هو موضوع فلانة لبست الحجاب وفلانة خلعته ده شاغل الناس ليه إيه مشكلة البعض مع الحجاب أساسا.

وتابع “طعيمة”: وبعض الإعلاميين ومن يطلق عليهم العلمانيين بيستقتلوا ليه عشان نفي فرضية الحجاب، يعني لو المحجبة اقتنعت بفتاويك وقلعت الحجاب الكون والكوكب والبلد هيستفيدوا إيه ؟ هل إحنا مثلا دولة بنفرض لبس الحجاب على المرأة فإنت ضد قهرها؟ لا.

هل إحنا بنضيق على غير المحجبة مثلا في الوظائف والحياة العامة فإنت ضد ظلمها؟ لا، بل بالعكس دي غير المحجبة هي اللي فيه تضييق عليها في الفن والإعلام وبعض الوظائف، ده حتى فيه أماكن ومطاعم بتمنع دخول المحجبات.

وأختتم بــ: يبقى السؤال: الست المحجبة دي مضايقاك في إيه وقارفها في عيشتها بكلامك ليه، وعمال تجيبلي صور قديمة وتقارنها بصور جديدة كما لو كان ده دليل إننا كنا متحضرين وبقينا متخلفين، معلش هو مال التحضر بالحجاب والفستان المفتوح والميكرو جيب مش فاهم، يعني المحجبة لو لبست اللي بيبسطك معدل ذكائها وإنتاجيتها هيرتفعوا فالبلد هتروح في حتة تانية؟

أمير طعيمة

يشار إلى أن كانت أحدث الأغاني التي قدمها الشاعر أمير طعيمة بالأسواق هى "أنا بعته كتير"، للنجمة أنغام، و"على خدك"، لمحمود العسيلى، و"وقت مش مناسب"، لأحمد جمال، و"سهرانين"، لهشام عباس، و"عايزك تسمعني" لمحمد حماقي.

Advertisements
Advertisements
الجريدة الرسمية