رئيس التحرير
عصام كامل
Advertisements
Advertisements
Advertisements

درة: زوجي أكتر واحد بيخوفني.. وجريمة قتل نيرة أشرف وشيماء جمال تخض| فيديو

درة
درة

تحدثت الفنانة درة عن كواليس تصوير فيلم "جدران"، خاصة وأن الفيلم به بعض مشاهد الرعب وتأثير ذلك على حياتها الزوجية، قائلة: " المنزل الذى تم تصوير مشاهد الفيلم فيه حقيقي وليس ديكورا، وهاني زوجي هو اللي بيخوفني لأنه أكتر واحد بيحب أفلام الرعب وحببني فيها".

وأضافت خلال لقائها ببرنامج "كلمة أخيرة" تقديم  الاعلامية لميس الحديدي المذاع على فضائية " ON": "جوزي بيفرجني على أفلام رعب وأنا بخاف منها صحيح مش بخاف من فيلمي لكن بخاف من الأفلام اللي بيتفرج عليها لكني انتقمت منه وخوفته من فيلم “ جدران ”.

وتابعت: أنا مش بحب الرعب لمجرد الرعب عشان نخوف، أنا بحب  الرعب يكون قائما على قصة وفيلم جدران فيه  قصة، وده اللي عجبني وأنا بقرأ مش مجرد أشياء  غريبة، أصوات مختلفة  وما عجبني  في قصة " ليلى " وأسرتها وشخصية الأم والخالة والجدة، وأحببت بالذات لحظة التحول وأنا عملت الفيلم  مخصوص عشان مشهد التحول.

كما علقت الفنانة درة على مقتل نيرة أشرف طالبة المنصورة، والمذيعة شيماء جمال، قائلة: " أى جريمة كانت ضد نساء أو أطفال أو رجال عمل غير أدمي وأحداث بتوجع القلب ومش آدمي أن أي إنسان يرد فعل بالطريقة دي".


وتابعت: "الناس اللي بترتكب مثل هذه الجرائم ستعاقب في الدنيا والآخرة وأنا عندي ثقة في القضاء المصري أنه سيأتي بحق الضحايا لأن حرمان إنسان من الحياة جريمة لاتغتفر.. محدش موجود في الحياة عشان يقرر من يعيش ومن يموت ربنا بس اللي بيكتب ده ومش من حق أي حد يعمل كده".


وأضافت: "ممكن أي حد يتظلم أو يتعرض لموقف بس مش مبرر لإنهاء الحياة، والي بيخض دلوقتي أن القتل بقى على أتفه الأسباب وده شيء يخض في حد ذاته.. ومافيش حاجة في الدنيا  تدي لحد الحق يعمل كده".
 

جدران

عرضت منصة واتش إت  الخميس 14 يوليو أحدث أعمالها الأصلية وهو فيلم جدران.

الأبطال


والفيلم بطولة درة وأحمد بدير ونيكولا معوض وهند عبد الحليم وآخرون وهو من إخراج محمد بركة وقصة ياسر صلاح سيناريو وحوار أحمد وهيثم الدهان.

 

Advertisements
الجريدة الرسمية