لميس الحديدي لشيرين: انتي لسه بتحبي حسام حبيب.. والمطربة: حبته عقربة | فيديو

ردت الفنانة شيرين عبد الوهاب، على سؤال الإعلامية لميس الحديدي، والذى قالت فيه: أنت بتحبي حسام وعايزة ولا لاء"، قائلة: حبته عقربة مش لاقية حتة تنام فيها، أنا في حياتي لم أتعرض للأذي من شخص زي ده".

وأضافت في مداخلة هاتفية لبرنامج "كلمة أخيرة"، المذاع على فضائية "أون أى": "إنسان قلبه أسود ويغتاب كل الناس، جبت عربية مرسيدس وكتبتها باسمه عشان لم يقف أمام ظابط متكونش السيارة باسم مراته، فقولت له عيب.. جتني ستين نيلة على خيبتي".

وقالت: "حسام سرق السيارة من أمام بيتي وهددني بأنه هيتهمني بسرقتها، ويحرر محضر ضدي فى قسم الشرطة ضدي"، موضحة: "والد حسام هو المتحدث الرسمي للأزمة اللى حصلت بينا"، متابعة: "لو كنت أدمنت الأدوية فكان بسبب ما شوفته مع حسام فأنا كنت زي البدر وبعد عشرتي مع حسام بقيت شبه حسن أبو السعود".

أخد أكتر من حقه 

وأضافت: "حسام حبيب أخد أكتر من حقه، وأنا مبقتش فاضية، وداخلة على دنيا جديدة فيلم جديد وأغان، وخرجت من علاقتي مع طليقي، بالندم، وحررت محضرا ضده بعدم التعرض لى أو لبناتي، لأنه شخص خطر وأنا هحافظ على نفسي لأني بـ 100 راجل وأنا لازم أتعالج من آثاره عليا".

حب حسام  سرطان

وأوضحت: “حبي لحسام كان سرطان، وأنا سيدة أنجب وربنا سبحانه وتعالي مرضيش يخليني أنجب منه”.

وسخرت: وربنا أتجوز فيل أبو زلومة ومش هتجوزه تاني وأقسم بالله بقيت بكره كل اللى اسمه حسام، وسأتخذ الإجراءات القانونية ضد اللى سرق السيارة".