حسام موافي محذرا الجلوس بجوار شارب الخمر: مجال شيطاني.. اجتنبوه | فيديو

قال الدكتور حسام موافي، أستاذ طب الحالات الحرجة بكلية طب قصر العيني: إن المخدرات تنسف البلاد، ثم إن لله سبحانه وتعالى طلب من عباده الحفاظ على الدين والعقل والنفس والعرض والمال.
 

تحريم الخمر

وتابع خلال برنامج "رب زدني علمًا" المذاع على قناة "صدى البلد": "ربنا حرَّم الخمر حفاظًا على العقل لأن اللي بيشرب خمرة بيجيله لحظة يسكر ويغيب عنه العقل".

غياب العقل بسبب الخمر 

وأضاف: "اللى بيقول أنا بشرب خمرة وبحافظ على عقلي ومش بسكر أنا مليش دعوة بيه، واللى يقولي ما هي مبتسكرنيش تبقى مش حرام وربنا عايز السكْر وأنا أقوله أنت جاهل لما ربنا تكلم عن السكْر قال ما شأنه أن يسكر، ولو جيبنا واحد عمره ما داق الكحول واديله كوباية هيسكر، إنما اللى مبيسكرش بقاله 5 سنين بتشرب خمر".

حسام موافي: المؤمن مسلم أو مسيحي أقل عرضة للإصابة بالأمراض النفسية

تفسير رؤية شخص يشرب الخمر في المنام وعلاقته بخسارة المنصب وفقدان الأموال

مجال الخمر الشيطاني

وأردف حسام موافي: "لما ربنا تكلم عن اجتناب الخمر فهذا أشد من التحريم.. ده أنا في أوروبا ممكن أقعد على ترابيزة فيها واحد بياكل خنزير أقعد معاه حلال لأني مباكلش معاه لأنه محرم، إنما مقعدش مع واحد قاعد على ترابيزة بيشرب خمرة لأن مجال الشيطان أنت مش شايفه، لذلك القعدة مع واحد بيشرب خمرة يجب أن نتجنبه لأنه فيه مجال شيطاني، والخمرة لها مجال شيطاني ولازم منخدش المجال، وربنا حرَّمها أيضًا".