سيمون: حميد الشاعري رفض مشاركتي دويتو "بتكلم جد" في البداية.. وهذا الشخص أقنعه
قالت الفنانة سيمون:"الفنان حميد الشاعري مكنش عايز يعمل معايا دويتو أغنية "بتكلم جد" لأنه كان وقتها ملحن ومكنش بيغني ودي كانت أول مرة طارق الكاشف يشجعه على الغناء".
تسجيل أغنية بتكلم جد
وأضافت خلال لقائها ببرنامج"التاسعة" الذي يقدمه الإعلامي يوسف الحسيني بالتليفزيون المصر: "أثناء تسجيل دويتو أغنية "بتكلم جد" زارتنا المذيعة الراحل أحلام شلبي في الأستوديو وقلنا لها إننا هنعملها فيديو كليب، والمبيعات كانت قوية جدا وهائلة وده توفيق من ربنا".
الكيميا مع حميد الشاعري
وتابعت:"جمعني بحميد الشاعري كيميا كثنائي والحمد لله تجربتنا كانت موفقة ".
وقالت الفنانة سيمون في نفس اللقاء: "أعظم حاجة في حياتي إن بدايتي كانت مع سيدة الشاشة العربية فاتن حمامة من خلال فيلم "يوم مر ويوم حلو".
أفكار فاتن حمامة
وتابعت: "فاتن حمامة ربت جوايا افكار لسه عايشة بيها لحد هذه اللحظة أنا ملتفتش للناس بتقول عليَّ إيه ومخليش فيه أي حاجة تعطلني".
رغبة فاتن حمامة
وأضافت: "فاتن حمامة كانت عايزاني أبقى هايلة وأعمل المشهد قدامها مظبوط وكانت بتوجهني بحب ولذاذة وبتاخد بالها من كل التفاصيل بتاعت الناس".
فيلم آيس كريم في جليم
ولفتت: "في فيلم "آيس كريم في جليم" كنت المفترض مرشحة لدور جيهان فاضل بس أنا اللي اخترت الدور الثاني وصممت عليه، وبعد الفيلم قررت أن آرائي هي اللي أعملها".
غناء سيمون
وتابع: "لو رجع بيَّ الزمن هكون مصرة إني أرجع أغني أكتر في فيلم “آيس كريم في جليم” لأني ماخدتش فرصتي في الغناء بالفيلم وكنت متحجمة".
