عبد الباسط حمودة: عمرو دياب بيقولي يا بابا..ومتجوزتش نبيلة عبيد علشان أختي

كشف المطرب الشعبي عبد الباسط حمودة، حقيقة رفضه للعمل مع المطرب عمرو دياب، قائلا:"عمرو عنده ربنا فوق وبعد منه عبد الباسط وهو من الناس اللى تعبوا وشقيوا معانا".

غرور عمرو دياب

وتابع خلال لقائه ببرنامج “مصر جديدة” المذاع علي قناة “اي تي سي”:"عمرو دياب أنا زي أبوه علشان ابوه اسمه عبد الباسط وهو بيقولي بابا جاي أهو، وهو مش مغرور وغير كده خالص وإنسان حبوب".

تعب وشقاء عمرو دياب

ولفت:"عمرو دياب تعب في دنيته وشقي ومخدهاش بالساهل ولو مش كده وقال ريان يا فجل الناس هتسمعه".

الأغنية الشعبية 

وأكد:"عمرو دياب لو غنا شعبي هينجح، وعمرى ما رفضت أن أغني معاه لأن هو ابني وانا أبوه وهو حد حبوب أوي".

حقيقة الزواج من نبيلة عبيد

وعن حقيقة زواجه بالفنانة نبيلة عبيد، أكد"حمودة":"نبيلة دي زي أختي وحبيبتي وزميلة وطيبة وكنا بنصور معاها مسلسل "سكر زيادة" في لبنان، ولكن محصلش اني اتجوزتها، ومحدش يتجوز أخته الكبيرة

عبد الباسط حمودة: هاني شاكر صعبان عليه نفسه وقال لي ما تكلمنيش في موضوع الاستقالة تاني

عبد الباسط حمودة: لحن "بنت الجيران" مسروق من عمر الجيزاوي..وأحمد شيبة مزعلني

الخلاف مع أحمد شيبة

وفجر المطرب الشعبي عبد الباسط حمودة، مفاجأة عن لحن أغنية “بنت الجيران" و"حاجة مستخبية"، مؤكدًا أن اللحن ليس ملكًا لمحمد حماقي أو لفنان تركي، ولكنه مسروق من عمر الجيزاوي.

وكشف عبد الباسط حمودة، في نفس اللقاء، عن سر حزنه وخلافه مع أحمد شيبة.

تاريخ عبد الباسط حمودة

وأوضح:"أحمد شيبة مزعلني علشان مجاش فرح ابني وعموما جه أو مجاش الفرح اتعمل وانا اعتب على زمايلي القدام انما هو بقاله 8 سنين بيغني، ومحدش هيوصل للمكانة بتاعتي انا عملت 46 شريطا، واغنية "أنا مش عارفني" كسرت الدنيا كلها".

سرقة أغنية يا صفر

وخرج الفنان الشعبي عبد الباسط حمودة، عن صمته للرد على سرقة أغنية “يا صفر”، التي انتشرت فيديوهات كثيرة لها عبر منصات التواصل الاجتماعي “فيس بوك” وتيك توك، وهو ما أثار غضبه.

وفي هذا السياق، قال عبد الباسط في تصريحات خاصة لـ “فيتو”: “أغنية يا صفر، بتاعتي وملكي بالمستندات والأوراق الرسمية بتاعتها معايا، وكل الإثباتات”.

وحذر المطرب الشعبي، جميع المطربين من طرحها: مينفعش أتعب في أغنية وأسجلها وتكون ملكي وأتسرق وأسكت، عمري في حياتي ما شوفت الكلام ده من يوم ما اشتغلت.

ووجه “عبد الباسط” رسالة تحذيرية بقوله: "أنا بقولها تاني عشان محدش يزعل مني، أغنية "يا صفر" بتاعتي ومعايا تنازلات وأوراق بيها واللي هينزلها هيزعل لأني أنا عمري ما بتكلم مع حد".

موعد طرح الأغنية

على جانب آخر، كشف “ماجد” نجل الفنان الشعبي، تفاصيل موعد طرح الأغنية، خلال الفترة المقبلة، حيث أكد أنه من المقرر تصوير الأغنية خلال 10 أيام، بعدما انتهى المطرب من تسجيلها في أحد الإستديوهات الشهيرة بالقاهرة.