رئيس التحرير
عصام كامل
Advertisements
Advertisements
Advertisements
Advertisements

الحضري: الشناوي محتاج حارس قوي يخليه في مكانة تانية.. ومصطفى شوبير ما يقدرش ينافسه

محمد الشناوي حارس
محمد الشناوي حارس النادي الأهلي
Advertisements

قال عصام الحضري مدرب حراس مرمى منتخب مصر السابق: "علاقتي بمحمد الشناوي قوية ورائعة ولا تشوبها أي مشكلة".

 

مستوى الشناوي

وأضاف خلال لقائه ببرنامج “كلام الناس” المذاع على قناة “إم بي سي مصر”: "مستوى الشناوي مش نازل ولا أي حاجة، ولكنه محتاج حارس قوي في الأهلي علشان يبقى في حتة تانية، مصطفى شوبير لا يستطيع منافسة الشناوي ولكنه خامة كويسة وأنصحه بالخروج إعارة سنة أو سنتين عشان يرجع ينافس على حراسة مرمى الأهلي".

 

نصيحة لمصطفى شوبير

وأكد: "مصطفى شوبير مهما كان مستواه ما يقدرش ينافس الشناوي على حراسة مرمى الأهلي ويجب عليه الخروج إعارة". 

 

مستوى محمد أبو جبل 

ولفت: "محمد أبو جبل مستواه مش وحش ولكن عقله مشغول بهجوم جماهير الزمالك عليه، ومشكلة تجديد عقده، والمنافسة على حراسة الزمالك، وحاجات اخرى وده بيعمل دروب مع أي لاعب، وأنا بنصحه أنه لازم يفصل ويركز في الملعب بس".

 

وقال عصام الحضري مدرب حراس منتخب مصر السابق، في نفس اللقاء: "مفيش عفاريت ولا جاميكا شغالة معايا، وأنا ملتزم في الصلاة وقراءة القرآن".

 

سر نجاح الحضري

وتابع خلال لقائه ببرنامج “كلام الناس” المذاع على قناة “إم بي سي مصر”: "مفيش حاجة اسمها جاميكا كل حاجة وصلتلها كانت بفضل ربنا وتعبي".

 

رحيل الحضري عن المنتخب

وأكد: "لغاية دلوقتِ أنا مدرب حراس مرمى منتخب مصر السابق مش الحالي".

 

حظ منتخب مصر

ولفت: "كيروش عمل نقلة مع منتخب مصر وخسرنا أفريقيا والتأهل لكأس العالم العالم بالحظ مش أكتر، وأي فريق ممكن يخسر بركلات الترجيح واحنا ما كناش محظوظين في ركلات الجزاء".

تعرض إيهاب جلال للظلم

وأكد: "إيهاب جلال تعرض للظلم بسبب كثرة الإصابات في هيكل منتخب مصر الأساسي، وكلنا كنا بندعمه وما تأخرناش عليه في أي مساعدة".

Advertisements
Advertisements
الجريدة الرسمية