دنيا عبد العزيز باكية: مش عارفة أفرح بعد موت أمي | فيديو
بكت الفنانة دنيا عبد العزيز، تأثرًا بذكرى رحيل والدتها، قائلة: "عندي إيمان بربنا وقضائه ولكن طول الوقت بحاول إنى ما أركزش إنها فارقتني ورحلت علشان أقدر أشتغل وأركز في حياتي وأكمل".
صور دنيا عبد العزيز
وأضافت خلال لقائه ببرنامج "كلام الناس" المذاع على قناة "إم بي سي مصر": "مش عارفة أفرح بعد ما أمي مشيت وحطيت صورها في كل حتة وقت فرحي عشان أحس إنها معايا".
قصة حب أم دنيا عبد العزيز
وتابعت دنيا عبد العزيز: "علاقتي بأمي كانت قصة حب كبيرة".
وقالت الفنانة دنيا عبد العزيز: "كنت خايفة من الجواز لكن اللي طمني إن أنا وجوزي أصدقاء من زمان، ونفسي يبقى الزواج كله دلع".
سر الزواج الناجح
وأضافت: "الجواز الناجح هو اللي مبني على ثقة واحترام بين الطرفين".
صداقة 12 عاما انتهت بالزواج
وتابعت: "أنا وجوزي أصحاب من 12 سنة وأمي كانت متعلقة بيه، وكان شرط أساسي في زواجي من أي شخص إني اللى ارتبط بيه يكون أمي بتحبه".
فرح دنيا عبد العزيز
وأكملت دنيا عبد العزيز:"زوجي طلب ايدي من ابن خالتي واتقدم لي في سوريا، وعملت فرحي في نويبع علشان بحب أعمل كل حاجة بشكل غير تقليدي بالإضافة إلى أن الطبيعة فيها ساحرة، والمقربون فقط هما اللى حضروا الفرح".
شائعة انفصال دنيا عبد العزيز
ولفت: "طلعت عليَّ إشاعة بانفصالي عن زوجي بعد كتب الكتاب علطول ولم اهتم بالرد عليها، وأول هدية من جوزي كانت سلسلة على شكل عقرب لأني من نفس البرج".
مشكلة زوج دنيا عبد العزيز
واستطردت: "أكتر حاجة بتستفزني في زوجي انه بيسيب أنوار البيت كلها شغالة، واتكسفت جدًّا لما قال لي إنه بيحبني".
