منة جلال تكشف الحالة الصحية للفنانة نجوى فؤاد
ردت الفنانة منة جلال، على ما أثير خلال الساعات الماضية حول دخول الفنانة نجوى فؤاد في غيبوبة، قائلة: "إشاعة سخيفة".
وكتبت منة جلال عبر حسابها الرسمي بموقع التواصل الاجتماعي "فيسبوك"، قائلة: "إشاعة سخيفة جدا إن أستاذة نجوى فواد فى غيبوبة، الكلام ده غلط، والأخبار إللى نازلة مش مظبوطة، كل اللى حصل إن استاذة نجوى اكتشفت إن عندها عرق النساء، وأثَّر على ظهرها، فالدكتور أعطاها جرعة زيادة عشان يخفف الألم، والمقصود من كلمة غيبوبة هى النوم علشان التعب رهيب".
وأضافت منة جلال: “أرجو من سيادتكم بلاش أذى نفسي للناس الكبار فى السن ده، إنتو مش عارفين بتعملوا فيهم إيه بسبب الأخبار دي، بجد أذى نفسى كفاية اللي الست فيه، محدش بيكلمها ولا حد بيشغلها أرجوكم (جبر الخواطر)”.
الانزلاق الغضروفي
وكانت الفنانة نجوى فؤاد قالت: "بعاني من الانزلاق الغضروفي من أكتر من عامين، وللأسف محدش بيسأل فيا من الوسط الفني".
وأكدت خلال مداخلة هاتفية ببرنامج “حضرة المواطن” الذي يقدمه الكاتب الصحفي سيد علي بقناة “الحدث اليوم”: "بسبب الانزلاق الغضروفي وأنا معتزلة الرقص منذ أكثر من 16 سنة، ومليش جراحة؛ لأن هناك التهاب في العصب.. بس الحمد لله أنا أحسن من غيري وأنا في نعمة".
جحود الوسط الفني
وتابعت نجوى فؤاد: "محدش بيسأل عليا وأنا في مرضي، ولكن فيه ناس من المجتمع العادي بيسألوا عني ومفكرين إني ممتنعة عن الشغل ولكن مش مني، من شركات الإنتاج ونقابة التمثيليين مبتسألش عليا".
رغبة نجوى فؤاد
وأضافت: "أنا عايزة أشتغل علشان أكل عيش لأني أنا اللى بعول بيتي ومعنديش زوج أو ابن يصرف عليا، ومش عايزة غير إن ربنا يشفيني وأرجع أشتغل تاني".
