عماد متعب: أبو تريكة أفضل من بركات ووليد صلاح وتمنيت انضمام حازم إمام للأهلي

قال الكابتن عماد متعب نائب رئيس رابطة الأندية المحترفة ولاعب الأهلي ومنتخب مصر السابق:"أبو تريكة بالنسبة لي فنيا أفضل من وليد صلاح الدين ومحمد بركات لإنه كان أسرع من يساعدني في الوصول للمرمى".
 

حازم امام 

وأضاف خلال لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"اللاعب الزملكاوي اللى كان نفسي يلعب للأهلي هو حازم امام".
 

شارة حسام غالي 

وتابع:"أنا راض باللى ربنا كاتبهولي طول عمري وانا بلعب وبعد الإعتزال ولحد اَخر عمري، وحسام غالي لما اتسحب منه الشارة لو انا غيران منه كنت رفعت الكأس ولكن فضلت ان هو اللى يرفع الكاس ورجع بعدها الكابتن لإنه هو الأحق".
 

مصلحة النادي الأهلي 

وأكمل:"مصلحة النادي الأهلي والفريق كانت أهم من مصلحتي الشخصية وعلي قد الخلافات اللي بيني وبين حسام البدري لو انا شخص مش كويس في مباراة مهمة للأهلي كان بيلعب صالح جمعة اساسي واتصاب بعد 10 دقايق وعبد الله السعيد كان بقاله 40 يوم مصاب ولكن طلب منه يسخن وانا قلت له يا كابتن عبد الله مصاب ولو نزل هيتمزق في العضلة الخليفة وسمع كلامي ونزل حد تاني، وانا دايما ببص لمصلحة النادي".
 

رسالة الخطيب لعماد متعب 

وتابع:"طول عمري باتمني الخير لزمايلي علشان ربنا يكرمني وحسام غالي أخويا وهيفضل أخويا وعضوية مجلس ادارة الأهلي شرف ولكن مفكرتش خالص فيها، وعندي طموح بس قدام شوية لحد لما اكتسب خبرات، وانا موجود في رابطة الأندية بترشيح من النادي الأهلي والكابتن الخطيب بيتكلم معايا وبيقولي اللي جاب لك انت وحسام غالي ومحمد فضل".

 

وكشف الكابتن عماد متعب، في نفس اللقاء، حقيقة انتماء محمد بركات عضو اتحاد الكرة في التشجيع لنادي الزمالك مثلما تزعم جماهير القلعة البيضاء.

حقيقة انتماء محمد بركات للزمالك
وأكد "متعب": "اللى شوفته من محمد بركات على مدار السنين اللى عيشتها معاه ميقولش أنه زملكاوي خالص".

حب محمد بركات للأهلي
وتابع “متعب”: "محمد بركات بيحب النادي الأهلي حب غير طبيعي وهو أهلاوي بمعنى الكلمة".