نادية الجندي: أنا مكتشفة أحمد زكي وياسر جلال.. والأكثر تعرضا للمؤامرات والحروب | فيديو
قالت الفنانة نادية الجندي: "الخلطة السحرية في جمالي وإني مبكبرش هي الجمهور اللي مقدَّر كفاحي وتعبي، وده بيعطيني الطاقة الإيجابية اللي بتطلع على وشي ومزاجي".
اختيار نادية الجندي الأدوار
وتابعت خلال لقائها ببرنامج "كلام الناس" المذاع على قناة "إم بي سي مصر": "مش بيهمني أنزل كل سنة، وممكن أقعد 3 سنين من غير شغل، ولكن الأهم إني لما أنزل بعمل يكون فيه تجديد، وينال احترام وتقدير الجمهور".
رفض أعمال درامية في رمضان
ولفتت: "رفضت أعمالا كتيرة في رمضان لإن مبقاش فيه كتَّاب تقال زي زمان، وبقى فيه استسهال وتقليد كتير، والكاتب بيكتب 3 أو 4 حلقات بكتير، ويقول لك لما نبدأ نصور هنكمل الباقي، وأنا في الماضي أعمالي كان السيناريو بيتكتب 3 و4 مرات قبل التصوير، ومع كتاب كبار؛ بشير الديك ووحيد حامد ومصطفى محرم، لغاية لما يطلع السيناريو أفضل نسخة، ولكن دلوقتي الفنان بيطلع مش عارف خيط نهاية دوره إيه".
مكتشفة أحمد زكي وياسر جلال
وأكدت: "أنا أكتر واحدة اكتشفت نجوم كتيرة بدايةً من الراحل العظيم أحمد زكي حتى ياسر جلال، وأنا فخورة بدوره في مسلسل الاختيار 3".
مؤامرات وحروب نادية الجندي
ولفتت: "أنا أكتر واحدة تعرضت لمؤامرات، واتحاربت في الوسط الفني، و"بمبة كشر" قعد سنة في دور العرض، واتحاربت حرب كبيرة، ولكن لو الحاجات دي أثرت فيَّا مكنتش كملت، وربنا اللي كان بيقويني إلى جانب موهبتي وجمهوري، وهما اللي خلوني نادية الجندي".
