كريم عبد العزيز يمازح خالد الصاوي في كواليس الاختيار: "خيرت بيه" | فيديو

نشر الفنان خالد الصاوي عبر صفحته الرسمية بموقع التواصل الاجتماعي “ فيس بوك” مقطع فيديو من كواليس تصوير مسلسل “الاختيار 3”، حيث كان يجلس الصاوي عقب تناوله الإفطار وفوجئ بشخص يمسك به ويصرخ “خيرت بيه.. خيرت بيه”، فظن الصاوي أنه صبري فواز الذي يجسد شخصية الرئيس المعزول محمد مرسي، لكنه فوجئ انه الفنان كريم عبد العزيز الذي احتضنه بقوة.

وعرضت فضائية ON الحلقة الـ21 من الجزء الثالث من مسلسل الاختيار- القرار الذي يشارك في بطولته عدد كبير من نجوم ونجمات الفن أبرزهم، ياسر جلال، أحمد عز، أحمد السقا، وكريم عبد العزيز.

الاختيار 3 الحلقة 21

يواصل مسلسل «الاختيار 3» توثيق حالة الأزمة والصراع التي عانت منها البلاد على مدار عام من حكم الجماعة الإرهابية، وعرضت الحلقة فيديو مسرب جديد يحمل صوت اللواء عبدالفتاح السيسي، مدير المخابرات الحربية، آنذاك، وهو يوجه حديثه لمحمد مرسي  وخيرت الشاطر نائب مرشد الجماعة الإرهابية.

 وقال السيسي في الفيديو:إحنا أولى الناس وأحرص الناس على أن ميكونش في أبدا إصابات ولا حالة عدم استقرار في مصر،  لكن الوضع اللي على الأرض غير كده الواقع بيستهدف ده، إن معرفش يجيلك النهاردة في الميدان هيجيلك في حتة تانية، الانتخابات بكرة يضرب حد بالنار ضابط أوعسكري عشان يعمل حاجة تانية، يروح جاي على الكنايس يا دكتور سعد  خلال الكام يوم الجايين فيه احتفالات بتاع المسيحين سواء اللي قبل أو اللي بعد قبل ديسمير أو في 7 يناير عشان يعمل حاجة ثالثة، ده موضوع مش محتاج جهد أقل من كده، لأ ده محتاج جهد أمني وجهد منكم.

ليتساءل السيسي: ما هي مبادرة الإخوان لحل هذه المسألة؟
أنتم ليكم مبادرة تعملوها لأن أنتم قوة ولكم مكانتكم على الأرض ولكم قدرتكم وكفاءتكم؟
اللي ميعملهاش يبقى بيتخلى عن المسؤولية بقولك خلاص كده