ربنا مش على كيف حد.. رسالة من حمو بيكا لـ هاني شاكر
رد حمو بيكا مؤدي المهرجانات، على انتقاد الفنان هاني شاكر نقيب المهن الموسيقية لصوته وتصريحه بأنه لو كان بيده قرار منعه من حفلات السعودية لفعل حفاظا على سمعة مصر.
رد حمو بيكا علي هاني شاكر
وقال حمو بيكا خلال لقائه ببرنامج"حبر سري" الذي تقدمه الإعلامية أسما إبراهيم بقناة "القاهرة والناس": "هاني شاكر بيقول أنا غيور على البلد دي وأنا محدش يقدر يغير علي البلد دي أكتر مني.. وبقوله ربنا مش على كيف حد لو عايز يمنعنا من الغناء في السعودية".
تعليق حسن شاكوش
وعلق حسن شاكوش: "دي بلدنا وبنغير عليها بردو زي ما الفنان هاني شاكر بيغير عليها، ومصر دي عندي غالية أوي".
وكشف مؤدى المهرجانات حمو بيكا، في نفس اللقاء، تفاصيل حالته المرضية، مؤكدًا أنه يعاني من مرض مناعي خطير وليس بالسهل.
مرض حمو بيكا
وأضاف: "جهازي المناعي المفترض بيهاجم أي بكتيريا ضارة ولكن بسبب حدوث به خلل أدى إلى أنه أصبح يهاجم كل اعضاء جسمي من المعدة والمريء والكبد والكلى".
ولفت: "طول ما الجهاز المناعي بتاعي بيهاجم أعضاء جسمي أنا بتعب وممكن أرجع دم ويحصل لي مشاكل كبيرة في معدتي فباخد حقنة بتهد شوية في جهاز المناعة علشان أقدر أعيش".
علاج حمو بيكا
وأشار: "لو حد جهازه المناعي 50% أنا جهازي المناعي 150%، والحقنة اللي باخدها كانت أول مرة بـ 120 ألف جنيه، وكل شهرين باخد حقنة بـ 20 ألف جنيه".
مرض الشهرة
وتابع: "المرض جالي بعد الشهرة وممنوع إني آكل مسبكات أو حوادق أو جبن أو أشرب لبن، والمفروض أعيش على شوربة الخضار وشوربة لسان العصفور، وللأسف الناس بتتريق عليَّ ومش عارفين حاجة وبطني الكبيرة دي من المرض أنا أصلًا رفيع أرفع من حسن شاكوش".
وكشف مؤدي المهرجانات حمو بيكا، في الجزء الأول من نفس اللقاء، حقيقة تواصله مع الفنان أكرم حسني، للتنازل عن قضية السرقة التي أقامها ضده بسبب لحن أغنية "بالباقي لبان".
لحن أغنية بالباقي لبان
وقال: "أنا ما سرقتش لحن أغنية "بالباقي لبان" واللحن دا بتاع أغنية أجنبي ولو أنا سرقته يبقى هو كمان سارقه".
اللحن الأصلي للأغنية
وتابع: "أنا جبت اللحن الأصلي للأغنية وكلها بتاخد من كله، وأنا سجلت الأغنية قبل ما هو يسجل أغنيته، وأغنيتي عدت مشاهدات أكرم حسني وركبت الترند". وعلق مؤدي المهرجانات حمو بيكا، على حلقته مع الفنان رامز جلال في برنامج "رامز موفي ستار" ولقائه بالنجم العالمي فاندام.
