رئيس التحرير
عصام كامل
Advertisements
Advertisements
Advertisements
Advertisements

هاني مهنا يكشف نصيحة حبيب العادلي له في السجن | فيديو

الموسيقار هاني مهنا
الموسيقار هاني مهنا
Advertisements

قال الموسيقار هاني مهنا: "أول يوم دخلت فيه السجن أو الزنزانة ما نمتش لحد الصبح، وما كنتش مصدق وكل الموضوع إني بقرأ قرآن وأعيط ودموعي نازلة".
 

 

سجن هاني مهنا

وأضاف خلال لقائه ببرنامج "سابع سما" الذي تقدمه الإعلامية راغدة شلهوب بقناة "النهار": "لما دخلت السجن كنت بقول لنفسي هو أنا بحلم، وتاني يوم الصبح صحيت طلعت من الزنزانة ورايح المكان اللي بنقعد فيه تفاجأت بواحد بيقول لي أنا ابن اللواء الفلاني، فقلت له والدك كان صاحبي جدًّا، وكانت مشكلته إن زوج أخته بيتخانق معاه فضربه فعمل له عاهة وأخد 3 سنين سجن".
 

مقابلة علاء وجمال مبارك

وتابع: "قابلت في السجن علاء وجمال مبارك وحبيب العادلي، وقعدت في السجن 6 شهور بعد لما دفعت 3 ملايين و200 ألف جنيه بسبب قرض كنت أخدته من البنك لعمل إستوديو".

تجربة السجن

ولفت: "ربنا كان لطيف بيَّ وأنا في السجن واستفدت بالفترة الصعبة دي وكنت بصلي الفرض في وقته وأقرأ قرآن وألعب رياضة".
 

نصيحة حبيب العادلي

وأكمل: "حبيب العادلي في السجن قال لي نصيحة مفادها إن تجربة السجن هتفيدك بعدين هيبقى فيه فرز عندك مين اللي أنت فاهم إنه صاحبك ومين اللي مش صاحبك وبقى صاحبك ودا اللي حصل".  

أخلاق علاء وجمال مبارك

وقال الموسيقار هاني مهنا، في تصريحات سابقة خلال لقائه ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "خلال فترة السجن قربت من رموز نظام مبارك ولكن ليس بهدف الاستفادة كما أشيع وتردد".


وأضاف: "عرفت علاء وجمال مبارك عن قرب في فترة السجن واكتشفت أخلاقهم الحقيقية وتأكدت أنهم على خلق وأجمل من بعض وحسيت إنهم ناس متربيين فوق اللزوم".

 

أخلاق علاء وجمال مبارك

وتابع: "علاء وجمال مبارك متربيين جدًّا واكتسبت معرفتهم رغم زعل وضيق الناس، وأنا على علاقة بيهم لحد دلوقتِ وحضروا فرح ابنتي هنادي مهنا".

Advertisements
Advertisements
الجريدة الرسمية