أيمن بهجت قمر يهاجم محمد نجاتي: أحقر حاجة سمعتها في حياتي

علق السيناريست ايمن بهجت قمر على تصريح الفنان محمد نجاتي ببرنامج “كلام الناس” الذي تقدمه ياسمين عز علي قناة mbc  مصر، والذي قال فيه أنه عندما لا يعجبه السيناريو فيعطيه لوالدته حتي تستخدمه في امتصاص الزيت من البطاطس

وقال ايمن بهجت قمر في تعليقه: “بيحط البطاطس في السيناريو اللي مبعوت له لو مش عاجبه عشان ماما تنشف الزيت بيه ! بيهين السيناريو ! برغم اني اكيد عمري ما بعتت لده سيناريو”. 

واضاف: “ بصراحة احقر تصريح سمعته ف حياتي من واحد حاول يبقى ممثل.. واللي يبعت له سيناريو تاني يستاهل ماما تاخده وتمسح له بيه، ازاز اوضته حقيقي يا ابني انت تستاهل المكانه اللي انت فيها ”

وقال الفنان محمد نجاتي: "لما منة عرفة طلبت منِّي في مسلسل "فيلا 101"، وقالتلي مش عايزة اتشال، مع إن ده مش في آليات الفن، وافقت وراعيت أنها مكتوب كتابها، ولسه مدخلتش، وممكن حاجة زي دي تأثر على زواجها، من منطلق الجدعنة".

انفصال منة عرفة 

وتابع خلال لقائه ببرنامج "كلام الناس" المذاع على قناة "إم بي سي مصر": "أنا بريء من طلاق أو انفصال منة عرفة عن زوجها، أنا كنت مقدر موقفها، ونفذت لها اللي هي عايزاه".