رئيس التحرير
عصام كامل
Advertisements
Advertisements
Advertisements
Advertisements

عمرو أديب يكشف أكبر مفاجآت دراما رمضان ويوجه رسالة لياسمين عبد العزيز

عمرو أديب
عمرو أديب
Advertisements

قال الإعلامي عمرو أديب: "ياسمين عبد العزيز انتى كوميديانة عبقرية وأرجوكي أوعى حد يقولك ان الممثل الكوميدي أقل درجة من التراجيدي، رأيي يا ياسمين ان انتى في إعلانك السنة دي مبهرة وفكرت انك لازم تعملي فوازير السنين اللى جاية، وانتى نجمة شباك وركزي في الكوميديا احنا محتاجينك".
 

عبقرية أحمد أمين ومي عز الدين

ولفت خلال برنامج “الحكاية” المذاع علي قناة “ام بي سي مصر”: "مسلسل "جزيرة غمام" باقف أمام أحمد أمين الراجل ده مش غير جلده لأ بقى ممثل تاني وعبقري وعامل شيء مرعب وكمان جوا المسلسل أحيي شجاعة مي عز الدين اللى رجعت تقدم اداء اسطوري وجيد جدا، وطارق لطفي نحطه علي جنب، ولكن احمد أمين مفاجأة ومي عز الدين مفاجأة مرعبة".

 

ندالة شريف سلامة


وتابع: "في مسلسل فاتن أمل حربي شريف سلامة لما اشوفه لازم اضربه ومشوفتش راجل ندل زيه، والناس مش متعاطفة مع نيللي كريم قد ما هي كارهه شريف سلامة، واللى بوظ صورة الرجالة في مصر شريف سلامة بالدور اللى عمله".
 

مربوحة الكبير أوي

وأشار: "مربوحة أو رحمة أحمد  في مسلسل الكبير أوي، جت في نص ساعة الدنيا اتقلبت وكل الناس بتحبها وعلمتنا درس مهم ان مفيش حاجة اسمها حد لا يستبدل ولازم ندى الناس فرص، ومربوحة كسرت الدنيا وكل مصر ماتت من الضحك".
 

دور محمد ثروت

ولفت: "دور محمد ثروت في مسلسل نيللي كريم المحامي غير طبيعي وهايل السهل الممتنع الكوميديا اللى من غير كوميديا".

غياب عادل امام ويحيى الفخراني


وأشار: "السنة دي نفتقد عادل امام ويحيى الفخراني، وانا بشاهد فاتن أمل حربي ببقى حاسس ان شريف سلامة ماسك رقبتي وبيخنق فيا ".
 


مسلسل جزيرة غمام
ومسلسل "جزيرة غمام" تدور أحداثه حول جريمة قتل في عشرينات القرن الماضي في صعيد مصر، تتصاعد الأحداث في إطار درامي تشويقي ويتم اكتشاف أن القتيل لم يمت بالرغم من هروب القاتل.

 

أبطال مسلسل جزيرة غمام
والمسلسل من بطولة طارق لطفي، مي عز الدين، فتحي عبد الوهاب، رياض الخولي، هبة عبد الغني، هاجر الشرنوبي وغيرهم نخبة من النجوم، والمسلسل من تأليف عبد الرحيم كمال ومن إخراج حسين المنباوي.

Advertisements
Advertisements
الجريدة الرسمية