بعد وصول سعره 100 جنيه.. ورق العنب يتصدر التريند والنشطاء: نحوله دولارات

تصدر "ورق العنب" تريند مصر على تويتر، بعد أن تراوح سعره في أول أيام رمضان من 70 وحتي 100 جنيه للكيلو في بعض المناطق بالقاهرة، الأمر الذي دفع نشطاء مواقع التواصل الاجتماعي لتدشين هاشتاج "ورق العنب" للسخرية من ارتفاع سعر ورق العنب في أول أيام الشهر الفضيل.

ورق العنب يتصدر التريند

وسخر نشطاء مواقع التواصل الاجتماعي من سعر ورق العنب، وخاصة أن مائدة الإفطار في شهر رمضان وأول يوم من الشهر الفضيل لا تخلو من "محشي ورق العنب"، حيث سخر البعض مؤكدين أن سعر كيلو ورق العنب أصبح أغلى من سعر الدولار مطالبين بلف ورق "بفره" أرخص، وطالب آخرون بتحويل عملة الجنية لورق عنب، فيما سخر آخرون قائلين: "هو ورق العنب نزل جدول!" 
هنا قال د. السيد حسن " في نفس العمارة تحت بيتي مسجد. الحصر إتفرش بالليل ودخلت العمارة لقيت السكان الحريم في المدخل يصلون. مش دا الموضوع. الموضوع إن مدام إيزيس جايبة كرسي وبتصلي معاهم. الله ع الجمال. الموضوع دا نساني ان كيلوا ورق العنب لاقيته ب٧٠ج ومشتريتهوش"

نحوله دولارات

وعلقت علا عادل قائلة: "66 جنيه ايه، يعني كيس ورق العنب اللي عندي في الفريزر دا بقيمة الفلوس اللي بنلحق نحولها دولارز دلوقتي!!"
ورد بوب قائلًا: " لا حول ولا قوة إلا بالله. أطالب بتدخل شيخ الأزهر رمضان بيروح مننا ياجدعان... ورق العنب بقا ب١٠٠ جنيه عايزين فتوى استثنائية بحكم الفطار بدون وجود طبق ورق العنب على السفره يجوز ولا الصيام مش هيتحسب!"
أما ياسمين إمام فسخرت قائلة: "كيلو ورق العنب كان ب ٤٠ جنيه ومن يومين بقي ب ٨٠ جنيه.. يعني اللي اشتري بفلوسه ورق عنب وخزنه كسب أكتر من اللي حول فلوسه دولارات.. وبعدين طالما ورق العنب عندنا مزدهر كده طب ما نخليه العملة الرسمية بدل الجنيه"
وسخر ياسر عواد فقال: "كيلو ورق العنب ب ٩٠ جنيه ورق العنب بقى اجدع من ورق الجنيه"

نلف بفره

وعلق أحمد عيسى  قائلًا: "ورق العنب ب 70 جنيه، هنلف ورق بفره ارخص"
وأضاف محمد نجيب الكشكي "هو لازم يا زينب ورق العنب والرقاق باللحمة والبانيه والبوفتيك ودكر البط وصنية الباشميل والفاكهة والحلويات في أول يوم رمضان تحديدا... عشان محدش يقول علينا حاجة"
وتابعت سلمى المهندس "هى جت ع ورق العنب كيلو البط ب ٥٠ جنيه علشان تعمله بشوربة البط  عاوزلك ٢٠٠"
أما مريم سمير فقالت: "ورق العنب اكله جميله جدا وبنحبها جداااا ليه يبقي الكيلو منها ب ٨٠ كأنكوا عايزين تكرهوني فيها.. انت يا تاجر انت من أنصار الكرنب ولا تبع مين انت!"

ورق العنب نزل جدول

وردت سوزان عبد الوهاب " البتنجان بـ 25 ج، الطماطم بـ 12 ج، الفلفل بـ 20 ج، ورق العنب بـ 50 ج، والكوسة بـ 15 ج، ده غير الخضرة والبصل، يعني الواحد عشان يعمل محشي محتاج قرض الأول."

طريقة عمل ورق العنب بالكوارع

حلة محشي وشوية عدس.. هدية بدرية طلبة لزوجها في عيد الحب|فيديو

وأضافت إسراء سامح "يعني اي كيلو ورق العنب ب ٧٠ ج! وال مبياكلش غيره ي جدعان انتم مش مسلمين ولا اي!"
وسخرت صافي سليم قائلة: "هو ورق العنب نزل جدول واتصنف من المخدرات عشان كده الكليو ب100جنيه"