رئيس التحرير
عصام كامل
Advertisements
Advertisements
Advertisements

للمرة الأولى.. مطرب الراب شاهين يشارك في غناء تترات مسلسلات رمضان 2022

مين قال
مين قال

بدأت  فضائية MBC مصر عرض أولى حلقات مسلسل اللايت كوميدي “مين قال؟” بطولة الفنان جمال سليمان والفنان الشاب أحمد داش.. وهو المسلسل المشارك بالماراثون الرمضاني 2022.


وللمرة الأولى يشارك مطرب الراب في هذا السياق تستعرض "فيتو" كلمات أغنية تتر مسلسل مين قال:

 

أنا مخي مش طاقق لا ده موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

دي بيبان سعي وأنا أطفش كوالين
وأنتوا لسه شغالين
نصايح وتنظير
بكرة تعرفوا هبقى مين
أصل كل ده كان حلم
زمان وأنا صغير في السن
مكنش في جيبي ولا تعريفة
فقالولي فكك فكك حل
بس أنا دماغي كانت سم
ومهمنيش الجن
لا رميت ودني ولا سمعت
وشوف دلوقتي أنا أبقى مين

فمين قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك

مخي مش طاقق لا ده موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

أنا مخي مش طاقق لا ده موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

كان في 100 مغامرة فطشة
مفيش توجيه حماس جاب ورطة
خدت شلاليط و100 لطشة
لكن المغامرة 101 كانت طفرة
فمتقوليش إن أنت أدرى
متهاودنيش وتقولي دي فترة
في حاجات مش هقدر أجربها لما أكبر
ومش هعرف أرجع لتاريخ النهاردة
أكون فنان ونرسم على كانسون
أرطن لغات خريج ألسن
نجم شباك هقفل سينمات
رجل أعمال ساويرس في نفسه

فمين قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك

فمين قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك

مخي مش طاقق لا ده موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

مخي مش طاقق لا ده موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

مسلسل مين قال

وكانت قد طرحت MBC مصر الإعلان الترويجي للمسلسل، ويظهر خلاله استخدام الأب جمال سليمان الطريقة السلطوية في التعامل مع ابنه، الذي يجسد دوره الفنان أحمد داش، إذ يلعب داش دور طالب في الثانوية العامة ينجح بتفوق، ولكن يرغب والده في دخوله كلية هندسة جامعة خاصة، ولكن يعارضه ابنه ويرغب في اختيار كلية التجارة ليفتتح مشروعه الخاص.

موعد عرض مسلسل مين قال

فيما كشفت الصفحة الرسمية لقناة MBC  موعد عرض الحلقة الأولى لمسلسل "مين قال"، غدا الجمعة، في تمام الساعة التاسعة، والمسلسل ينتمي لنوعية الأعمال الـ 15 حلقة، وتدور أحداثه في إطار اجتماعي كوميدي، حول الأزمات والمشاكل التي يقع فيها الشباب الذين يتخطون أعمارهم سن الـ 18 عاما.

Advertisements
الجريدة الرسمية