جبر الخواطر.. هند صبري تحتضن متسابقة ببرنامج "الدوم" لخطأ غير متوقع | فيديو
عانقت الفنانة هند صبري المتسابقةَ آية زيد، بعد انهيارها من البكاء بسبب تعثرها في المشهد التمثيلي الذي جسَّدته ببرنامج اكتشاف المواهب "الدوم" المذاع على قناة "أون إي".
دعم هند صبري
وقالت هندي صبري: "آية هو أنا ممكن أديكي حضن وأنا فاهمة إن ساعات التوتر بيزيد وأخدت بالي أن فيه كلام راح منك وده لسه بيحصلي لحد دلوقتي وعلشان كده إحنا بنتمرن على حاجات معينة علشان نتغلب على التوتر، ولكن شغلتنا كتلة أحاسيس يا تسوقنا يا نسوقها، مينفعش تسوقنا، وأديتك حضن علشان فاهمة كويس أوي لأني أحاسيسي لسه بتسوقني وهتفضل تسوقني كمان عشر سنين بس بتمرن علشان أتغلب عليها".
رسالة تحفيز
وتابعت هند صبري: "هتتمرني وتتعلمي وهتبقى أحسن، إنتي أمورة جدًّا ومريحة وحلوة وطاقتك حلوة وناعمة جدًّا ودي حاجة إحنا محتاجنها وإنتي هتوصلي.. خدي راحتك وخليكي واثقة من نفسك".
تعليق أنغام
وعلقت المطربة أنغام: "إنتي بتحبي اللي بتعمليه.. والنهاردة مش أحسن أيامك ولو نسيتي جملة متوقفيش المشهد ومتوقعيش الإيقاع ومتخافيش، قولي من إحساس المشهد، ارتجلي قولي حاجة شبه الكلام، كلنا بيحصلنا كده المهم تكوني قوية وخدي قرار أنك هتعملي أحسن حاجة"
إشادة يسري نصر الله
وأشاد المخرج يسري نصر الله بالأداء التمثيلي للمتسابقة آية زيد رغم تعثرها، قائلًا: "برافو وماتعيطيش مش وقته بس شغلك حلو".
تفاصيل البرنامج
برنامج الدوم تطلقه الشركة "المتحدة" للخدمات الإعلامية، ومن إنتاج شركة "ميديا هب سعدي - جوهر"، ويشارك في عضوية لجنة تحكيم فئة التمثيل الفنانة الكبيرة يسرا، المخرج مروان حامد والفنان عمرو يوسف، وفي فئة الغناء يشارك كل من الفنان حميد الشاعري والشاعر أمير طعيمة والملحن عمرو مصطفى، أما في فئة البرامج فتضم لجنة التحكيم مكونة من الإعلامية القديرة نجوى إبراهيم والإعلامية لميس الحديدي والإعلامية چاسمين طه.
مواصفات المشتركين
وتتراوح أعمار المشتركين بين الذكور والإناث بين 16 و28 سنة للغناء والتمثيل، أما التقديم من ٢١ لـ٢٨ عامًا من جميع المحافظات المصرية؛ حيث تم إجراء اختيارات لـ١٥ ألف مشترك.
وكانت الأولوية في الاختبارات للمشتركين المتقدمين عبر الموقع الرسمي وليس بأسبقية الحضور من خلال تنظيم كبير وضخم، كما يشترط على المتسابقين أن يستقروا في القاهرة.
الدوم هو أول برنامج لاكتشاف المواهب يجمع بين التمثيل والغناء وتقديم البرامج في الشرق الأوسط في موسمه الأول، والذي يعرض حصريًّا على شاشة قناة ON.
